ಶಹೀನ್‌ ಅಫ್ರಿದಿ, ಅಬ್ಟಾಸ್‌ ಅಬ್ಬರ; ಪಾಕ್‌ ಹೋರಾಟ

Team Udayavani, Dec 20, 2019, 10:56 PM IST

ಕರಾಚಿ: ಪೇಸ್‌ ಬೌಲರ್‌ಗಳಾದ ಶಹೀನ್‌ ಶಾ ಅಫ್ರಿದಿ ಮತ್ತು ಮೊಹಮ್ಮದ್‌ ಅಬ್ಟಾಸ್‌ ಲಂಕಾ ವಿಕೆಟ್‌ಗಳನ್ನು ಬೇಟೆಯಾಡುವ ಮೂಲಕ ಕರಾಚಿಯ ದ್ವಿತೀಯ ಟೆಸ್ಟ್‌ ಪಂದ್ಯದಲ್ಲಿ ಪಾಕಿಸ್ಥಾನವನ್ನು ಹೋರಾಟಕ್ಕೆ ಅಣಿಗೊಳಿಸಿದ್ದಾರೆ.

ಪಾಕಿಸ್ಥಾನದ 191ಕ್ಕೆ ಉತ್ತರವಾಗಿ ಶ್ರೀಲಂಕಾ ಪ್ರಥಮ ಇನ್ನಿಂಗ್ಸ್‌ನಲ್ಲಿ 271 ರನ್‌ ಗಳಿಸಿತು. 80 ರನ್‌ ಹಿನ್ನಡೆಗೆ ಸಿಲುಕಿದ ಆತಿಥೇಯ ಪಾಕ್‌, ಶುಕ್ರವಾರದ ದ್ವಿತೀಯ ದಿನದಾಟದ ಅಂತ್ಯಕ್ಕೆ ವಿಕೆಟ್‌ ನಷ್ಟವಿಲ್ಲದೆ 57 ರನ್‌ ಮಾಡಿದೆ. ಅಬಿದ್‌ ಅಲಿ 32, ಶಾನ್‌ ಮಸೂದ್‌ 21 ರನ್‌ ಮಾಡಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದಾರೆ. ಯಾವ ತಂಡ ಮೇಲುಗೈ ಸಾಧಿಸೀತು ಎಂಬ ಕುತೂಹಲಕ್ಕೆ 3ನೇ ದಿನದಾಟದಲ್ಲಿ ಉತ್ತರ ಲಭಿಸಲಿದೆ.

ಲಂಕಾ ಸರದಿಯಲ್ಲಿ ಮಿಂಚಿದ ದಿನೇಶ್‌ ಚಂಡಿಮಾಲ್‌ 74 ರನ್‌ ಬಾರಿಸಿದರು (143 ಎಸೆತ, 10 ಬೌಂಡರಿ). ಧನಂಜಯ ಡಿ ಸಿಲ್ವ 32, ದಿಲುÅವಾನ್‌ ಪೆರೆರ 48, ನಿರೋಷನ್‌ ಡಿಕ್ವೆಲ್ಲ 21 ರನ್‌ ಹೊಡೆದರು. ಶಹೀನ್‌ ಶಾ ಅಫ್ರಿದಿ 77ಕ್ಕೆ 5, ಮೊಹಮ್ಮದ್‌ ಅಬ್ಟಾಸ್‌ 55ಕ್ಕೆ 4 ವಿಕೆಟ್‌ ಕಿತ್ತರು.

ಸಂಕ್ಷಿಪ್ತ ಸ್ಕೋರ್‌: ಪಾಕಿಸ್ಥಾನ-191 ಮತ್ತು ವಿಕೆಟ್‌ ನಷ್ಟವಿಲ್ಲದೆ 57. ಶ್ರೀಲಂಕಾ-271.