PV Sindhu: ವಿಮಾನದಲ್ಲಿ ಶುರುವಾಯ್ತು ಸಿಂಧು-ದತ್ತಾ ಲವ್‌ ಸ್ಟೋರಿ

Team Udayavani, Dec 26, 2024, 2:31 PM IST

ಹೈದರಾಬಾದ್‌: ಇತ್ತೀಚೆಗಷ್ಟೇ ವಿವಾಹವಾಗಿರುವ ಖ್ಯಾತ ಬ್ಯಾಡ್ಮಿಂಟನ್‌ ಆಟಗಾರ್ತಿ ಪಿ.ವಿ.ಸಿಂಧು, ಪೊಸಿಡೆಕ್ಸ್‌ ಟೆಕ್ನಾಲಜೀಸ್‌ ಕಾರ್ಯ ನಿರ್ವಾಹಕ ಅಧಿಕಾರಿ ವೆಂಕಟ ಸಾಯಿದತ್ತಾ ನಡುವಿನ ಪ್ರೇಮ ಹತ್ತು ವರ್ಷಗಳಷ್ಟು ಹಳತು! ಇಬ್ಬರೂ ಈ ಬಗ್ಗೆ ಕಿಂಚಿತ್ತೂ ಸುಳಿವು ನೀಡದೆ ನಿಭಾಯಿಸಿದ್ದಾರೆ ಎನ್ನುವುದು ಕುತೂಹಲ ಮೂಡಿಸಿದೆ.

2013ರಲ್ಲಿ ಇಬ್ಬರೂ ಹೈದರಾಬಾದ್‌ನಿಂದ ದೆಹಲಿಗೆ ಹೋಗುವ ವಿಸ್ತಾರದ ವಿಮಾನದಲ್ಲಿ ಇಬ್ಬರೂ ಪರಸ್ಪರ ಭೇಟಿಯಾದೆವು. ಅಲ್ಲಿಂದ ಶುರುವಾದ ಮಾತುಕತೆ ನಿಧಾನಕ್ಕೆ ಪ್ರೀತಿಗೆ ತಿರುಗಿತು. ಈ ಬಾರಿ ಪ್ಯಾರಿಸ್‌ ಒಲಿಂಪಿಕ್ಸ್‌ ಮುಗಿದ ಕೂಡಲೇ ಮದುವೆಯಾಗಲು ತೀರ್ಮಾನಿಸಿದೆವು ಎಂದು ಸಿಂಧು ಮತ್ತು ದತ್ತಾ ಹೇಳಿದ್ದಾರೆ.

2013ಕ್ಕೂ ಮುನ್ನ ಸುಮ್ಮನೆ ಒಂದು ಪರಿಚಯವಿತ್ತು. ಬೇರೆ ಏನೂ ಇರಲಿಲ್ಲ ಎಂದಿರುವ ಸಿಂಧು, ದತ್ತಾ ಎಲ್ಲದ್ದಕ್ಕೂ ಬೆಂಬಲ ನೀಡುತ್ತಾರೆ. ಏನೇ ಅಗತ್ಯ ಬಂದರೂ ಜೊತೆಗಿರುತ್ತಾರೆ. ಈ ರೀತಿಯ ಸಂಗಾತಿ ಅತ್ಯಗತ್ಯ ಎಂದು ಹೇಳಿದ್ದಾರೆ. ಮೊದಲು ಸಂದೇಶ ಕಳಿಸಿದ್ದು, ಕರೆ ಮಾಡಿದ್ದು ಸಿಂಧು ಎಂದು ವೆಂಕಟ ಸಾಯಿದತ್ತಾ ತಮಾಷೆ ಮಾಡಿದ್ದಾರೆ.