ವಿಶ್ವ ಪ್ಯಾರಾ ಶೂಟಿಂಗ್‌: ವೀಸಾ ಸಮಸ್ಯೆ ಇತ್ಯರ್ಥ

Team Udayavani, Jun 4, 2022, 11:36 PM IST

ಹೊಸದಿಲ್ಲಿ: ಫ್ರಾನ್ಸ್‌ನ ಚಟೊರಾಕ್ಸ್‌ನಲ್ಲಿ ನಡೆಯಲಿರುವ ವಿಶ್ವ ಶೂಟಿಂಗ್‌ ಪ್ಯಾರಾ ಸ್ಪೋರ್ಟ್ಸ್ ನಲ್ಲಿ ಪಾಲ್ಗೊಳ್ಳುವ ಭಾರತೀಯ ತಂಡದ ಬಾಕಿ ಉಳಿದಿರುವ ವೀಸಾಗಳನ್ನು ಕೊನೆ ಕ್ಷಣದಲ್ಲಿ ಭಾರತೀಯ ಸರಕಾರದ ಮಧ್ಯಸ್ಥಿಕೆಯಿಂದಾಗಿ ಆರಂಭಿಕ ನಿರಾಕರಣೆಯ ಅನಂತರ ಶನಿವಾರ ತೆರವುಗೊಳಿಸಲಾಗಿದೆ.

ಎರಡು ಬಾರಿಯ ಪ್ಯಾರಾಒಲಿಂಪಿಕ್‌ ಪದಕ ವಿಜೇತ ಸಿಂಘರಾಜ್‌ ಅಧಾನ ಸಹಿತ ಆರು ಮಂದಿಯ ತಂಡಕ್ಕೆ ಆರಂಭದಲ್ಲಿ ಭಾರತೀಯ ಸರಕಾರ ಮಧ್ಯ ಪ್ರವೇಶದ ಹೊರತಾಗಿಯೂ ಫ್ರಾನ್ಸ್‌ಗೆ ಪ್ರಯಾಣಿಸಲು ವೀಸಾ ನಿರಾಕರಿಸಲಾಗಿತ್ತು.

ಆದರೆ ಕ್ರೀಡಾ ಸಚಿವಾಲಯ ಮತ್ತು ವಿದೇಶಾಂಗ ವ್ಯವಹಾರಗಳ ಸಚಿವಾಲಯವು ಎರಡನೇ ಬಾರಿ ಮಧ್ಯ ಪ್ರವೇಶಿಸಿದ ಬಳಿಕ ಫ್ರೆಂಚ್‌ ರಾಯಭಾರಿ ಕಚೇರಿ ಆಟಗಾರರ ವೀಸಾಗಳಿಗೆ ಅನುಮತಿ ನೀಡಿತು ಎಂದು ಭಾರತೀಯ ಕ್ರೀಡಾ ಪ್ರಾಧಿಕಾರವು ಆಬಳಿಕ ತಿಳಿಸಿದೆ.