ಶ್ರೀಲಂಕಾ-ಬಾಂಗ್ಲಾದೇಶ ಏಕದಿನ ಸರಣಿ ಸಮಬಲ

Team Udayavani, Apr 2, 2017, 1:15 PM IST

ಕೊಲಂಬೊ: ಪ್ರವಾಸಿ ಬಾಂಗ್ಲಾದೇಶ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ ಶ್ರೀಲಂಕಾ ತಂಡವು 70 ರನ್ನುಗಳಿಂದ ಜಯ ಸಾಧಿಸಿದ್ದರಿಂದ ಮೂರು ಪಂದ್ಯಗಳ ಏಕದಿನ ಸರಣಿ 1-1 ಸಮಬಲದಿಂದ ಅಂತ್ಯಗೊಂಡಿದೆ.

ಆಲ್‌ರೌಂಡ್‌ ಆಟದ ಪ್ರದರ್ಶನ ನೀಡಿದ ಶ್ರೀಲಂಕಾ ತಂಡವು ಸತತ ಆರು ಪಂದ್ಯಗಳ ಸೋಲಿಗೆ ಅಂತ್ಯ ಹಾಡಲು ಯಶಸ್ವಿಯಾಯಿತು. ಮೊದಲು ಬ್ಯಾಟಿಂಗ್‌ ನಡೆಸಿದ ಶ್ರೀಲಂಕಾ ತಂಡವು 9 ವಿಕೆಟಿಗೆ 280 ರನ್‌ ಪೇರಿಸಿತ್ತು. ಗುರಿ ಸಾಧಿಸಬಹುದಾದ ಮೊತ್ತವಾಗಿದ್ದರೂ ಬ್ಯಾಟಿಂಗ್‌ ಕುಸಿತಕ್ಕೆ ಒಳಗಾದ ಬಾಂಗ್ಲಾದೇಶವು 44.3 ಓವರ್‌ಗಳಲ್ಲಿ 210 ರನ್ನಿಗೆ ಆಲೌಟಾಗಿ ಸೋಲನ್ನು ಒಪ್ಪಿಕೊಂಡಿತು. ಸರಣಿಯ ಮೊದಲ ಪಂದ್ಯದಲ್ಲಿ ಫ‌ಲಿತಾಂಶ ಬರಲಿಲ್ಲ. ದ್ವಿತೀಯ ಪಂದ್ಯದಲ್ಲಿ ಬಾಂಗ್ಲಾ ಜಯ ಸಾಧಿಸಿತ್ತು. 

ಸಂಕ್ಷಿಪ್ತ ಸ್ಕೋರು: ಶ್ರೀಲಂಕಾ 9 ವಿಕೆಟಿಗೆ 280 (ಧನುಷ್ಕ ಗುಣತಿಲಕ 34, ಉಪುಲ್‌ ತರಂಗ 35, ಕುಸಲ್‌ ಮೆಂಡಿಸ್‌ 54, ದಿನೇಶ್‌ ಚಂಡಿಮಾಲ್‌ 21, ಅಸೆಲ ಗುಣರತ್ನೆ 34, ತಿಸರ ಪೆರೆರ 52, ಮುಶ್ರಫೆ ಮೊರ್ತಜ 65ಕ್ಕೆ 3, ಮುಸ್ತಾಫಿಜುರ್‌ ರೆಹಮಾನ್‌ 55ಕ್ಕೆ 2); ಬಾಂಗ್ಲಾದೇಶ 44.3 ಓವರ್‌ಗಳಲ್ಲಿ 210 ಆಲೌಟ್‌ (ಸೌಮ್ಯ ಸರ್ಕಾರ್‌ 38, ಶಕಿಬ್‌ ಅಲ್‌ ಹಸನ್‌ 54, ಮೆಹೆದಿ ಹಸನ್‌ ಮಿರಾಜ್‌ 51, ನುವನ್‌ ಕುಲಶೇಖರ 37ಕ್ಕೆ 4, ಸುರಂಗ ಲಕ್ಮಲ್‌ 38ಕ್ಕೆ 2, ದಿಲುÅವಾನ್‌ ಪೆರೆರ 47ಕ್ಕೆ 2, ಸೀಕುಗೆ ಪ್ರಸನ್ನ 33ಕ್ಕೆ 2).