ಥಾಯ್ಲೆಂಡ್‌ ಓಪನ್‌ ಬ್ಯಾಡ್ಮಿಂಟನ್‌: ಶ್ರೀಕಾಂತ್‌, ಮಾಳವಿಕಾಗೆ ಸೋಲು

Team Udayavani, May 20, 2022, 6:46 AM IST

ಬ್ಯಾಂಕಾಕ್‌: ಮೊದಲ ಸುತ್ತಿನ ವಾಕ್‌ ಓವರ್‌ ಪಡೆದ ಹೊರತಾಗಿಯೂ ಭಾರತದ ಭರವಸೆಯ ಆಟಗಾರ ಕೆ. ಶ್ರೀಕಾಂತ್‌ “ಥಾಯ್ಲೆಂಡ್‌ ಓಪನ್‌ ಬ್ಯಾಡ್ಮಿಂಟನ್‌ ಪಂದ್ಯಾವಳಿ’ಯಿಂದ ಹೊರಬಿದ್ದಿದ್ದಾರೆ.

ನೇರವಾಗಿ ದ್ವಿತೀಯ ಸುತ್ತಿನಲ್ಲಿ ಸ್ಪರ್ಧೆಗಿಳಿದ 8ನೇ ಶ್ರೇಯಾಂಕದ ಶ್ರೀಕಾಂತ್‌ ಅವರನ್ನು ಫ್ರಾನ್ಸ್‌ನ ಬ್ರೈಸ್‌ ಲೆವರ್ಡೆಝ್ 18-21, 21-10, 21-16ರಿಂದ ಮಣಿಸಿದರು. ಐರ್ಲೆಂಡ್‌ ಆಟಗಾರ ನಹತ್‌ ಎನ್‌ಗುಯೆನ್‌ ಟೂರ್ನಿಯಿಂದ ಹೊರಗುಳಿದುದರಿಂದ ಶ್ರೀಕಾಂತ್‌ಗೆ ವಾಕ್‌ ಓವರ್‌ ನೀಡಲಾಗಿತ್ತು.

ಮಾಳವಿಕಾಗೆ ಸೋಲು :

ವನಿತಾ ಸಿಂಗಲ್ಸ್‌ನಲ್ಲೂ ಭಾರತ ಸೋಲಿನ ಆಘಾತಕ್ಕೆ ಸಿಲುಕಿದೆ. ಮಾಳವಿಕಾ ಬನ್ಸೋಡ್‌ ಡೆನ್ಮಾರ್ಕ್‌ನ ಲಿನ್‌ ಕ್ರಿಸ್ಟೋಫ‌ರ್‌ಸನ್‌ ಕೈಯಲ್ಲಿ 16-21, 21-14, 21-14 ಅಂತರದಿಂದ ಎಡವಿದರು. ಮಿಶ್ರ ಡಬಲ್ಸ್‌ನಲ್ಲೂ ಭಾರತಕ್ಕೆ ಸೋಲೇ ಸಂಗಾತಿಯಾಯಿತು. ಇಶಾನ್‌ ಭಟ್ನಾಗರ್‌-ತನಿಷಾ ಕ್ರಾಸ್ಟೊ ದ್ವಿತೀಯ ಸುತ್ತಿನಲ್ಲಿ ಮಲೇಷ್ಯದ ಗೋಹ್‌ ಸೂನ್‌ ಹುವಾತ್‌-ಲೈ ಶೆವೋನ್‌ ಜೇಮಿ ವಿರುದ್ಧ ಸೋಲನುಭವಿಸಿದರು. ಅಂತರ 19-21, 6-21.