T20; ಬಾಂಗ್ಲಾದೇಶಕ್ಕೆ 10 ವಿಕೆಟ್‌ ಜಯ : ಸರಣಿ ಗೆದ್ದ ಅಮೆರಿಕ 

Team Udayavani, May 27, 2024, 12:16 AM IST

ಹ್ಯೂಸ್ಟನ್‌: ಅಮೆರಿಕ ವಿರುದ್ಧ ಸರಣಿ ಸೋತ ಬಳಿಕ ಲಯಕ್ಕೆ ಮರಳಿದ ಬಾಂಗ್ಲಾದೇಶ, 3ನೇ ಹಾಗೂ ಅಂತಿಮ ಟಿ20 ಪಂದ್ಯದಲ್ಲಿ 10 ವಿಕೆಟ್‌ಗಳ ಸಮಾಧಾನಕರ ಗೆಲುವು ಸಾಧಿಸಿದೆ.

ಸರಣಿಯಲ್ಲಿ ಮೊದಲ ಸಲ ಬಾಂಗ್ಲಾ ಬೌಲಿಂಗ್‌ ಹಾಗೂ ಬ್ಯಾಟಿಂಗ್‌ ವಿಭಾಗಗಳೆ ರಡರಲ್ಲೂ ಮೇಲುಗೈ ಸಾಧಿಸಿತು. ಅಮೆರಿಕ 9 ವಿಕೆಟಿಗೆ ಕೇವಲ 104 ರನ್‌ ಮಾಡಿದರೆ, ಬಾಂಗ್ಲಾ 11.4 ಓವರ್‌ಗಳಲ್ಲಿ ವಿಕೆಟ್‌ ನಷ್ಟವಿಲ್ಲದೆ 108 ರನ್‌ ಬಾರಿಸಿತು. ಅಮೆರಿಕದ ಸರಣಿ ಗೆಲುವಿನ ಅಂತರ 2-1ಕ್ಕೆ ಇಳಿಯಿತು.

ತಾಂಜಿದ್‌ ಹಸನ್‌ 58 ಮತ್ತು ಸೌಮ್ಯ ಸರ್ಕಾರ್‌ 43 ರನ್‌ ಬಾರಿಸಿ ಅಜೇಯರಾಗಿ ಉಳಿದರು. ಮುಸ್ತಫಿಜುರ್‌ ರೆಹಮಾನ್‌ ಕೇವಲ 10 ರನ್ನಿಗೆ 6 ವಿಕೆಟ್‌ ಉಡಾಯಿಸಿ ಜೀವನಶ್ರೇಷ್ಠ ಸಾಧನೆಗೈದರು (4-1-10-6). ಇದು ಬಾಂಗ್ಲಾದ ಟಿ20 ಇತಿಹಾಸದ ಅತ್ಯುತ್ತಮ ಬೌಲಿಂಗ್‌ ಸಾಧನೆಯೂ ಆಗಿದೆ. 2012ರ ಐರ್ಲೆಂಡ್‌ ಎದುರಿನ ಪಂದ್ಯದಲ್ಲಿ ಇಲ್ಯಾಸ್‌ ಸನ್ನಿ 13ಕ್ಕೆ 5 ವಿಕೆಟ್‌ ಕೆಡವಿದ್ದು ಬಾಂಗ್ಲಾದ ಈವರೆಗಿನ ದಾಖಲೆ ಆಗಿತ್ತು.

ಅಮೆರಿಕ ಪರ ಆರಂಭಕಾರ ಆ್ಯಂಡ್ರೀಸ್‌ ಗೌಸ್‌ ಸರ್ವಾಧಿಕ 27 ರನ್‌ ಮಾಡಿದರು. ಮುಸ್ತಫಿಜುರ್‌ ಪಂದ್ಯಶ್ರೇಷ್ಠ ಹಾಗೂ ಸರಣಿಶ್ರೇಷ್ಠ ಪ್ರಶಸ್ತಿಗಳೆರಡನ್ನೂ ತಮ್ಮದಾಗಿಸಿಕೊಂಡರು.