ಟಿ20 ವಿಶ್ವಕಪ್‌: ಶೇ. 70 ವೀಕ್ಷಕರಿಗೆ ಅವಕಾಶ

Team Udayavani, Oct 4, 2021, 10:14 PM IST

ದುಬಾೖ: ಕ್ರಿಕೆಟ್‌ ಪ್ರಿಯರ ಪಾಲಿಗೆ ಸಿಹಿ ಸುದ್ದಿಯೊಂದು ಬಿತ್ತರಗೊಂಡಿದೆ. ಯುಎಇಯಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್‌ ಕ್ರಿಕೆಟ್‌ ಪಂದ್ಯಾವಳಿ ವೇಳೆ ಸ್ಟೇಡಿಯಂ ಸಾಮರ್ಥ್ಯದ ಶೇ. 70ರಷ್ಟು ವೀಕ್ಷಕರಿಗೆ ಅವಕಾಶ ಒದಗಿಸಲು ನಿರ್ಧರಿಸಲಾಗಿದೆ.

ಒಮಾನ್‌ನಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್‌ ಪ್ರಾಥಮಿಕ ಸುತ್ತಿನ ಪಂದ್ಯಗಳಿಗೆ 3 ಸಾವಿರದಷ್ಟು ವೀಕ್ಷಕರಿಗೆ ಅವಕಾಶ ನೀಡಲಾ ಗುವುದು ಎಂದು ಐಸಿಸಿ ತಿಳಿಸಿದೆ. ಅಲ್ಲೀಗ ಶಹೀನ್‌ ಚಂಡಮಾರುತ ಬೀಸುತ್ತಿದ್ದು, ಸ್ಟೇಡಿ ಯಂಗಳಿಗೂ ಸಾಕಷ್ಟು ಹಾನಿ ಉಂಟು ಮಾಡಿದ ಬಗ್ಗೆ ವರದಿಯಾಗಿದೆ. ಒಮಾನ್‌ ಪ್ರವೇಶಿಸುವ ಹಾಗೂ ಇಲ್ಲಿಂದ ತೆರಳುವ ವಿಮಾನ ಸಂಚಾರದಲ್ಲಿ ಭಾರೀ ವ್ಯತ್ಯಯವಾಗಿದೆ.

ಪ್ರತಿಷ್ಠಿತ ಪಂದ್ಯಾವಳಿ
“ಕೊರೊನಾ ತೀವ್ರತೆ ಕಡಿಮೆ ಗೊಂಡ ಬಳಿಕ ನಡೆಯಲಿರುವ ವಿಶ್ವ ಮಟ್ಟದ ಅತೀ ದೊಡ್ಡ ಕ್ರಿಕೆಟ್‌ ಪಂದ್ಯಾವಳಿ ಇದಾಗಿದೆ. ಹೀಗಾಗಿ ಯುಎಇ ಆರೋಗ್ಯ ಮಾರ್ಗಸೂಚಿಯನ್ವಯ ಸಾಧ್ಯವಾದಷ್ಟು ಹೆಚ್ಚಿನ ಸಂಖ್ಯೆಯ ವೀಕ್ಷಕರಿಗೆ ಅವಕಾಶ ಕಲ್ಪಿಸುವುದು ನಮ್ಮ ಉದ್ದೇಶ’ ಎಂದು ಐಸಿಸಿ ಪ್ರಕಟನೆಯಲ್ಲಿ ತಿಳಿಸಿದೆ.

ಇದನ್ನೂ ಓದಿ:ಕೈ ಕೊಟ್ಟ ವಾಟ್ಸಾಪ್, ಫೇಸ್ ಬುಕ್, ಇನ್‍ಸ್ಟಾಗ್ರಾಂ | ಬಳಕೆದಾರರ ಪರದಾಟ

ಭಾರತದ ಆತಿಥ್ಯದಲ್ಲಿ ನಡೆಯಬೇಕಿದ್ದ ಟಿ20 ವಿಶ್ವಕಪ್‌, ಕೋವಿಡ್‌ ಕಾರಣದಿಂದ ಯುಎಇಗೆ ಸ್ಥಳಾಂತರಗೊಂಡಿದೆ. 2021ರ ಐಪಿಎಲ್‌ ಪಂದ್ಯಾವಳಿಯ ಮುಂದುವರಿದ ಭಾಗ ಕೂಡ ಇಲ್ಲಿಯೇ ನಡೆಯುತ್ತಿದ್ದು, ಶೇ. 50ರಷ್ಟು ವೀಕ್ಷಕರಿಗೆ ಸ್ಟೇಡಿಯಂ ಬಾಗಿಲು ತೆರೆಯಲಾಗಿದೆ.