ಫ್ಯಾಬಿಯನ್‌ ಅಲೆನ್‌ ಔಟ್‌; ವಿಂಡೀಸಿಗೆ ದೊಡ್ಡ ಹೊಡೆತ

Team Udayavani, Oct 21, 2021, 5:24 AM IST

ದುಬಾೖ: ಪಾದದ ನೋವಿಗೆ ಸಿಲುಕಿದ ವೆಸ್ಟ್‌ ಇಂಡೀಸ್‌ ಆಲ್‌ರೌಂಡರ್‌ ಫ್ಯಾಬಿಯನ್‌ ಅಲೆನ್‌ ಟಿ20 ವಿಶ್ವಕಪ್‌ ಕೂಟದಿಂದ ಬೇರ್ಪಟ್ಟಿದ್ದಾರೆ. ಇದು ಹಾಲಿ ಚಾಂಪಿಯನ್ನರಿಗೆ ಪಂದ್ಯಾವಳಿಗೂ ಮುನ್ನ ಎದುರಾದ ದೊಡ್ಡ ಹೊಡೆತವಾಗಿದೆ. ಅಲೆನ್‌ ಬದಲು ಅಖೀಲ್‌ ಹೊಸೇನ್‌ ಅವರನ್ನು ಸೇರಿಸಿಕೊಳ್ಳಲಾಗಿದೆ.

ಬ್ಯಾಟಿಂಗ್‌ ಹಾಗೂ ಬೌಲಿಂಗ್‌ ವಿಭಾಗಗಳೆರಡರಲ್ಲೂ ಸೈ ಎನಿಸಿಕೊಂಡ ಅಲೆನ್‌ ವೆಸ್ಟ್‌ ಇಂಡೀಸ್‌ ತಂಡದ ಆಧಾರಸ್ತಂಭವೇ ಆಗಿದ್ದರು. ಕಳೆದ ಕೆಲವು ಸಮಯದಿಂದ ಸ್ಥಿರ ಪ್ರದರ್ಶನ ನೀಡುತ್ತ ಬಂದ ಅಲೆನ್‌, 138.88ರ ಸ್ಟ್ರೈಕ್‌ರೇಟ್‌ ಹೊಂದಿದ್ದರು.

ಇದನ್ನೂ ಓದಿ:ಆಸ್ಟ್ರೇಲಿಯದ ಮೇಲೂ ಸವಾರಿ ಮಾಡಿದ ಭಾರತ

ಅಖೀಲ್‌ ಹೊಸೇನ್‌ ಎಡಗೈ ಸ್ಪಿನ್ನರ್‌ ಆಗಿದ್ದು, ಈ ವರೆಗೆ ಮೀಸಲು ಆಟಗಾರನಾಗಿದ್ದರು. ವಿಂಡೀಸ್‌ ಪರ 6 ಟಿ20 ಹಾಗೂ 9 ಏಕದಿನ ಪಂದ್ಯಗಳನ್ನಾಡಿದ್ದಾರೆ. ಮೀಸಲು ಆಟಗಾರರ ಯಾದಿಗೆ ಗುಡಕೇಶ್‌ ಮೋಟಿ ಅವರನ್ನು ಸೇರಿಸಿಕೊಳ್ಳಲಾಗಿದೆ.