ಟೇಬಲ್‌ ಟೆನಿಸ್‌: ಎಸ್‌ಡಿಎಂ, ಮಿಲಾಗ್ರಿಸ್‌ಗೆ ಪ್ರಶಸ್ತಿ

Team Udayavani, Aug 24, 2017, 10:27 AM IST

ಉಡುಪಿ: ಇಲ್ಲಿನ ಎಂಜಿಎಂ ಕಾಲೇಜಿನ ಆಶ್ರಯದಲ್ಲಿ ನಡೆದ ಮಂಗಳೂರು ವಿವಿ ಅಂತರ್‌ ಕಾಲೇಜ್‌ ಟೇಬಲ್‌ ಟೆನಿಸ್‌ ಪಂದ್ಯಾಟದ ಪುರುಷರ ವಿಭಾಗದಲ್ಲಿ ಕಲ್ಯಾಣಪುರದ ಮಿಲಾಗ್ರಿಸ್‌ ಕಾಲೇಜ್‌ ಮತ್ತು ಮಹಿಳೆಯರ ವಿಭಾಗದಲ್ಲಿ ಉಜಿರೆಯ ಎಸ್‌ಡಿಎಂ ಕಾಲೇಜ್‌ ಪ್ರಶಸ್ತಿ ಜಯಿಸಿವೆ.

ಪುರುಷರಲ್ಲಿ ಆತಿಥೇಯ ಎಂಜಿಎಂ ದ್ವಿತೀಯ ಮತ್ತು ಮಂಗಳೂರು ಸಂತ ಅಲೋಶಿಯಸ್‌ ಮೂರನೇ ಸ್ಥಾನ ಪಡೆದಿದೆ. ಮಿಲಾಗ್ರಿಸ್‌ ಕಾಲೇಜಿನ ಪ್ರತೀಕ್‌ ಉತ್ತಮ ಆಲ್‌ರೌಂಡರ್‌ ಪ್ರಶಸ್ತಿ ಪಡೆದರು. ಮಹಿಳೆಯರಲ್ಲಿ ಮಂಗಳೂರಿನ ಕೆನರಾ ಕಾಲೇಜ್‌ ದ್ವಿತೀಯ ಮತ್ತು ವಿರಾಜಪೇಟೆಯ ಕಾವೇರಿ ಕಾಲೇಜ್‌ 3ನೇ ಸ್ಥಾನ ಪಡೆದವು. ಎಸ್‌ಡಿಎಂ ಕಾಲೇ ಜಿನ ಚಾವಿಂದ್ಯಾ ಆಲ್‌ರೌಂಡರ್‌ ಪ್ರಶಸ್ತಿ ಪಡೆದರು.

ಮಣಿಪಾಲ ಅಕಾಡೆಮಿ ಆಫ್ ಜನರಲ್‌ ಎಜುಕೇಶನ್‌ನ ಆಡಳಿತಾಧಿಕಾರಿ ಡಾ| ಎಚ್‌. ಶಾಂತಾರಾಮ್‌ ಪ್ರಶಸ್ತಿ ವಿತರಿಸಿದರು. ಮಂಗಳೂರು ವಿವಿ ದೈಹಿಕ ಶಿಕ್ಷಣ ವಿಭಾಗದ ನಿರ್ದೇಶಕ ಡಾ| ಕಿಶೋರ್‌ ಕುಮಾರ್‌ ಸಿ.ಕೆ., ಉಪ ನಿರ್ದೇಶಕ ಜೆರಾಲ್ಡ್‌ ಡಿ’ಸೋಜಾ, ಕಾಲೇಜಿನ ಪ್ರಾಂಶುಪಾಲೆ ಪ್ರೊ| ಕುಸುಮಾ ಕಾಮತ್‌ ಕೆ., ದೈಹಿಕ ನಿರ್ದೇಶಕಿ ಜಯಶ್ರೀ ನಾಯಕ್‌ ಉಪಸ್ಥಿತರಿದ್ದರು. 

ಪ್ರೊ| ಕೊಕ್ಕರ್ಣೆ ಸುರೇಂದ್ರನಾಥ್‌ ಶೆಟ್ಟಿ ಕಾರ್ಯಕ್ರಮ ನಿರ್ವಹಿಸಿದರು.