ಟಾಟಾ ಓಪನ್‌ ಟೆನಿಸ್‌ಗೆ ಭಾಂಬ್ರಿ ಇಲ್ಲ

Team Udayavani, Dec 23, 2018, 6:00 AM IST

ಪುಣೆ: ಮೊಣಕಾಲಿನ ನೋವಿನಿಂದ ಪೂರ್ತಿ ಚೇತರಿಸದ ಯೂಕಿ ಭಾಂಬ್ರಿ ವರ್ಷಾಂತ್ಯದ “ಟಾಟಾ ಓಪನ್‌ ಮಹಾರಾಷ್ಟ್ರ ಟೆನಿಸ್‌ ಟೂರ್ನಿ’ಯಿಂದ ಹೊರಗುಳಿಯಲು ನಿರ್ಧರಿಸಿದ್ದಾರೆ.

“ಮುಂದಿನ ವರ್ಷಾರಂಭದಲ್ಲಿ ನನ್ನ ಟೆನಿಸ್‌ ಪುನರಾಗಮನದ ಬಗ್ಗೆ ಸ್ಪಷ್ಟ ಚಿತ್ರಣ ಲಭಿಸಲಿದೆ’ ಎಂದು ಈ ಸಂದರ್ಭದಲ್ಲಿ ಯೂಕಿ ಭಾಂಬ್ರಿ ಹೇಳಿದ್ದಾರೆ.

26ರ ಹರೆಯದ, ವಿಶ್ವ ರ್‍ಯಾಂಕಿಂಗ್‌ನಲ್ಲಿ 137ನೇ ಸ್ಥಾನದಲ್ಲಿರುವ ಯೂಕಿ ಭಾಂಬ್ರಿ ಕಳೆದ ವಿಂಬಲ್ಡನ್‌ ಕೂಟದ ಮೊದಲ ಸುತ್ತಿನಲ್ಲೇ ಸೋಲನುಭವಿಸಿದ ಬಳಿಕ ಕೇವಲ 2 ಪಂದ್ಯಾವಳಿಗಳಲ್ಲಷ್ಟೇ ಆಡಿದ್ದಾರೆ. ಇವುಗಳೆಂದರೆ ಯುಎಸ್‌ ಓಪನ್‌ ಮತ್ತು ಬೆಲ್ಜಿಯಂನಲ್ಲಿ ನಡೆದ ಎಟಿಪಿ 250 ಟೂರ್ನಿ. ಇವೆರಡರಲ್ಲೂ ಭಾಂಬ್ರಿ ಮೊದಲ ಸುತ್ತಿನ ಆಘಾತಕ್ಕೆ ಸಿಲುಕಿದ್ದರು.

ವೈಲ್ಡ್‌ಕಾರ್ಡ್‌ ಪ್ರವೇಶ
ಇದೇ ವೇಳೆ ದೇಶದ ನಂ.1 ಸಿಂಗಲ್ಸ್‌ ಆಟಗಾರ ಪ್ರಜ್ಞೆàಶ್‌ ಗುಣೇಶ್ವರನ್‌ ಮತ್ತು ರಾಮ್‌ಕುಮಾರ್‌ ರಾಮನಾಥನ್‌ ಅವರಿಗೆ ಪ್ರಧಾನ ಸುತ್ತಿನ ವೈಲ್ಡ್‌ಕಾರ್ಡ್‌ ನೀಡಲಾಗಿದೆ. ಸಾಕೇತ್‌ ಮೈನೇನಿ, ಶಶಿಕುಮಾರ್‌ ಮುಕುಂದ್‌ ಅವರಿಗೆ ಅರ್ಹತಾ ಸುತ್ತಿನ ವೈಲ್ಡ್‌ಕಾರ್ಡ್‌ ಲಭಿಸಿದೆ.589,680 ಡಾಲರ್‌ ಬಹುಮಾನ ಮೊತ್ತದ ಈ ಪಂದ್ಯಾವಳಿ ಪುಣೆಯಲ್ಲಿ ಡಿ. 31ರಿಂದ ಜ. 5ರ ತನಕ ನಡೆಯಲಿದೆ.