ನಾಲ್ಕು ವರ್ಷದಲ್ಲಿ ಮೊದಲ ಬಾರಿಗೆ ಟೆಸ್ಟ್ ಅಗ್ರಸ್ಥಾನದಿಂದ ಕೆಳಗಿಳಿದ ಟೀಂ ಇಂಡಿಯಾ

Team Udayavani, May 1, 2020, 4:28 PM IST

ಮುಂಬೈ: ಕಳೆದ ಬಹುತೇಕ ನಾಲ್ಕು ವರ್ಷಗಳಿಂದ ಟೆಸ್ಟ್ ಕ್ರಿಕೆಟ್ ರಾಜರಾಗಿ ಮೆರೆದ ಟೀಂ ಇಂಡಿಯಾ ಈಗ ತನ್ನ ಪಟ್ಟ ಬಿಟ್ಟುಕೊಟ್ಟಿದೆ. 2016ರ ನಂತರ ಇದೇ ಮೊದಲ ಬಾರಿಗೆ ಮೂರನೇ ಸ್ಥಾನಕ್ಕೆ ಕುಸಿದಿದೆ.

ಸದ್ಯ ಐಸಿಸಿ ಕ್ರಿಕೆಟ್ ರಾಂಕಿಂಗ್ ಪ್ರಕಟ ಮಾಡಿದ್ದು, ಆಸ್ಟ್ರೇಲಿಯಾ ಮೊದಲ ಸ್ಥಾನಿಯಾಗಿದೆ. ಆಸೀಸ್ 116 ಅಂಕ ಪಡೆದಿದ್ದರೆ, ನ್ಯೂಜಿಲ್ಯಾಂಡ್ 115 ಅಂಕದೊಂದಿಗೆ ಎರಡನೇ ಸ್ಥಾನದಲ್ಲಿದೆ. ಪಟ್ಟಿಯಲ್ಲಿ ವಿರಾಟ್ ಪಡೆ ಮೂರನೇ ಸ್ಥಾನಕ್ಕೆ ಇಳಿದಿದ್ದು 144 ಅಂಕ ಹೊಂದಿದೆ.

ಕೇವಲ ಎರಡು ಅಂಕಗಳ ಅಂತರದಲ್ಲಿ ಮೂರು ತಂಡಗಳಿವೆ. ಇಂತಹ ನಿದರ್ಶನ ಎರಡನೇ ಬಾರಿ ಆಗಿರುವುದು. 2003ರಲ್ಲಿ ಭಾರತ ಅಗ್ರಸ್ಥಾನಿಯಾಗಿತ್ತು, ದ್ವಿತೀಯ ಮತ್ತು ತೃತೀಯ ಸ್ಥಾನದಲ್ಲಿದ್ದ ಆಸೀಸ್ ಮತ್ತು ದಕ್ಷಿಣ ಆಫ್ರಿಕಾ ಒಂದೇ ಅಂಕದಿಂದ ಹಿಂದಿದ್ದವು.

ಏಕದಿನ ರಾಂಕಿಂಗ್ ನಲ್ಲಿ ಭಾರತ ಎರಡನೇ ಸ್ಥಾನದಲ್ಲಿ ಮುಂದುವರಿದಿದೆ. ಮೊದಲ ಸ್ಥಾನದಲಲ್ಲಿ ಚಾಂಪಿಯನ್ ಇಂಗ್ಲೆಂಡ್ ಇದ್ದರೆ ಮೂರನೇ ಸ್ಥಾನದಲ್ಲಿ ನ್ಯೂಜಿಲ್ಯಾಂಡ್ ತಂಡವಿದೆ.