ಬ್ರಿಸ್ಬೇನ್‌: ನಂ.1 ಬಾರ್ಟಿಗೆ ಆಘಾತಕಾರಿ ಸೋಲು

Team Udayavani, Jan 10, 2020, 12:39 AM IST

ಬ್ರಿಸ್ಬೇನ್‌: ವಿಶ್ವದ ನಂಬರ್‌ ವನ್‌ ಆಟಗಾರ್ತಿ ಆ್ಯಶೆÉ ಬಾರ್ಟಿ ತವರಿನ “ಬ್ರಿಸ್ಬೇನ್‌ ಇಂಟರ್‌ನ್ಯಾಶನಲ್‌ ಟೆನಿಸ್‌ ಪಂದ್ಯಾವಳಿ’ಯಲ್ಲಿ ಅಮೆರಿಕದ ಅರ್ಹತಾ ಆಟಗಾರ್ತಿ ಜೆನ್ನಿಫ‌ರ್‌ ಬ್ರಾಡಿ ಕೈಯಲ್ಲಿ ಆಘಾತಕಾರಿ ಸೋಲುಂಡಿದ್ದಾರೆ. ಗುರುವಾರದ 2ನೇ ಸುತ್ತಿನ ಪಂದ್ಯದಲ್ಲಿ ಬ್ರಾಡಿ 6-4, 7-6 (4) ಅಂತರದ ಗೆಲುವು ಸಾಧಿಸಿ ಕ್ವಾರ್ಟರ್‌ ಫೈನಲ್‌ಗೆ ಲಗ್ಗೆ ಇರಿಸಿದರು. ಇದು ವಿಶ್ವದ ಟಾಪ್‌-10 ಆಟಗಾರ್ತಿ ವಿರುದ್ಧ ಬ್ರಾಡಿಗೆ ಒಲಿದ ಮೊದಲ ಗೆಲುವು.
ಇದಕ್ಕೂ ಮುನ್ನ ಮರಿಯಾ ಶರಪೋವಾಗೆ ಬ್ರಾಡಿ ಸೋಲಿನೇಟು ಕೊಟ್ಟಿದ್ದರು. ಬ್ರಾಡಿ ಅವರಿನ್ನು ಪೆಟ್ರಾ ಕ್ವಿಟೋವಾ ಸವಾಲನ್ನು ಎದುರಿಸಬೇಕಿದೆ.

ಬ್ರಾಡಿ ಗೆಲುವಿನಿಂದ 4 ಮಂದಿ ಅಮೆರಿಕನ್‌ ಆಟಗಾರ್ತಿಯರು ಕ್ವಾರ್ಟರ್‌ ಫೈನಲ್‌ ತಲುಪಿದಂತಾಗಿದೆ. ಉಳಿದವರೆಂದರೆ ಮ್ಯಾಡಿಸನ್‌ ಕೀಸ್‌, ಅಲಿಸನ್‌ ರಿಸ್ಕೆ ಮತ್ತು ಡೇನಿಯಲ್‌ ಕಾಲಿನ್ಸ್‌.