ಬ್ರಹ್ಮಾವರ: ಟೆನಿಸ್‌ ಪಂದ್ಯಾವಳಿ ಆರಂಭ

Team Udayavani, Mar 16, 2018, 11:05 AM IST

ಬ್ರಹ್ಮಾವರ: ಇಲ್ಲಿನ ಎಸ್‌.ಎಂ.ಎಸ್‌. ಕಾಲೇಜು ಮತ್ತು ಮಂಗಳೂರು ವಿ.ವಿ. ಜಂಟಿ ಆಶ್ರಯದಲ್ಲಿ ಅಂತರ್‌ ಕಾಲೇಜು ಪುರುಷರ ಹಾಗೂ ಮಹಿಳೆಯರ ಟೆನಿಸ್‌ ಪಂದ್ಯಾವಳಿ ‘ಲಾರೆನ್‌ ಮತ್ತು ಎಸ್‌ಡಿಎಂ ಟ್ರೋಫಿ’ ಆರಂಭಗೊಂಡಿತು.
ಮಾಬುಕಳ ಬಿ.ಡಿ. ಶೆಟ್ಟಿ ಕಾಲೇಜಿನ ಪ್ರಾಂಶುಪಾಲ ಮೇಜರ್‌ ಜಿ. ಬಾಲ ಕೃಷ್ಣ ಶೆಟ್ಟಿ ಅವರು ಉದ್ಘಾಟಿಸಿ ಮಾತನಾಡಿ, ಬ್ರಹ್ಮಾವರದಲ್ಲಿ ಟೆನಿಸ್‌ಗೆ ಸುಮಾರು 25 ವರ್ಷಗಳ ಇತಿಹಾಸವಿದೆ. ಇಂಥ ಗ್ರಾಮಾಂತರ ಭಾಗದಲ್ಲಿ 11 ಟೆನಿಸ್‌ ಕೋರ್ಟ್‌ಗಳಿರುವುದು ವೈಶಿಷ್ಟ್ಯವಾಗಿದೆ ಎಂದರು.

ಕಾಲೇಜು ಪ್ರಾಂಶುಪಾಲ ಪ್ರೊ| ಎಂ.ಶ್ರೀಪಾದ್‌ ಅಧ್ಯಕ್ಷತೆ ವಹಿಸಿ ದ್ದರು. ಬ್ರಹ್ಮಾವರ ಓ.ಎಸ್‌.ಸಿ. ಎಜುಕೇಶನಲ್‌ ಸೊಸೈಟಿ ಖಜಾಂಚಿ ನೋವೆಲ್‌ ಡಿ’ಸೋಜಾ, ದೈ.ಶಿ. ಉಪನ್ಯಾಸಕ ಜೇಮ್ಸ್‌ ಒಲಿವೆರಾ ಉಪಸ್ಥಿತರಿದ್ದರು. ದೈ.ಶಿ. ಉಪನ್ಯಾಸಕ ವೆಂಕಟೇಶ್‌ ಭಟ್‌ ಸ್ವಾಗತಿಸಿ, ಅಶ್ವಿ‌ನ್‌ ಶೆಟ್ಟಿ ವಂದಿಸಿದರು. ಮಮತಾ ಕಾರ್ಯಕ್ರಮ ನಿರೂಪಿಸಿದರು.