ಟೆಸ್ಟ್‌: ಆಸ್ಟ್ರೇಲಿಯ ಇಲೆವೆನ್‌ ಪ್ರಕಟ

Team Udayavani, Aug 27, 2017, 8:35 AM IST

ಮಿರ್ಪುರ್‌: ಬಾಂಗ್ಲಾದೇಶ ವಿರುದ್ಧ ರವಿವಾರ ದಿಂದ ಆರಂಭವಾಗಲಿರುವ ಮೊದಲ ಟೆಸ್ಟ್‌ ಪಂದ್ಯಕ್ಕೆ ಆಸ್ಟ್ರೇಲಿಯ ತನ್ನ ಆಡುವ ಬಳಗವನ್ನು ಅಂತಿಮಗೊಳಿಸಿದೆ.

ಅಗ್ರ ಕ್ರಮಾಂಕದ ಬ್ಯಾಟ್ಸ್‌ಮನ್‌ ಉಸ್ಮಾನ್‌ ಖ್ವಾಜಾ ಮತ್ತು ಎಡಗೈ ಸ್ಪಿನ್ನರ್‌ ಆ್ಯಶrನ್‌ ಅಗರ್‌ ಇದರಲ್ಲಿ ಸ್ಥಾನ ಪಡೆ ದಿದ್ದಾರೆ. ಇವರಲ್ಲಿ ಖ್ವಾಜಾಗೆ 7 ತಿಂಗಳ ಬಳಿಕ ಆಸೀಸ್‌ ತಂಡದಲ್ಲಿ ಆಡುವ ಅವಕಾಶ ಲಭಿಸಿದೆ. ಖ್ವಾಜಾ 3ನೇ ಕ್ರಮಾಂಕದಲ್ಲಿ ಆಡುವ ಸಾಧ್ಯತೆ ಇದ್ದು, ಆಗ ನಾಯಕ ಸ್ಟೀವನ್‌ ಸ್ಮಿತ್‌ 4ನೇ ಕ್ರಮಾಂಕದಲ್ಲಿ ಬ್ಯಾಟ್‌ ಹಿಡಿದು ಬರಬಹುದು. 

ಅಗರ್‌ ಸೇರ್ಪಡೆಯಿಂದ ಆಸೀಸ್‌ ಅವಳಿ ಸ್ಪಿನ್‌ ದಾಳಿ ಸಂಘಟಿಸಲಿದೆ. ನಥನ್‌ ಲಿಯೋನ್‌ ಪ್ರಧಾನ ಸ್ಪಿನ್ನರ್‌.
ಆಸ್ಟ್ರೇಲಿಯ 2011ರಲ್ಲಿ ಶ್ರೀಲಂಕಾವನ್ನು 1-0 ಅಂತರದಿಂದ ಸೋಲಿಸಿದ ಬಳಿಕ ಏಶ್ಯದಲ್ಲಿ ಟೆಸ್ಟ್‌ ಸರಣಿ ಗೆದ್ದಿಲ್ಲ. ಹೀಗಾಗಿ 2 ಪಂದ್ಯಗಳ ಈ ಕಿರು ಸರಣಿ ಭಾರೀ ಕುತೂಹಲ ಮೂಡಿಸಿದೆ.

ಆಸೀಸ್‌ ತಂಡ ಬಾಂಗ್ಲಾದಲ್ಲಿ 2006ರ ಬಳಿಕ ಮೊದಲ ಟೆಸ್ಟ್‌ ಆಡುತ್ತಿದೆ. ಅಂದು ರಿಕಿ ಪಾಂಟಿಂಗ್‌ ಸಾರಥ್ಯದ ಕಾಂಗರೂ ಪಡೆ ಇಲ್ಲಿ ಕೊನೆಯ ಸಲ ಟೆಸ್ಟ್‌ ಆಡಿತ್ತು. 2 ಪಂದ್ಯಗಳ ಸರಣಿಯನ್ನು 2-0 ಅಂತರದಿಂದ ಗೆದ್ದಿತ್ತು. ಇತ್ತಂಡಗಳ ನಡುವೆ ಈವರೆಗೆ ನಡೆದದ್ದು ಕೇವಲ 4 ಟೆಸ್ಟ್‌ ಪಂದ್ಯ ಮಾತ್ರ. ಇವೆಲ್ಲವನ್ನೂ ಆಸ್ಟ್ರೇಲಿಯ ಗೆದ್ದಿದೆ.