Test; ಯೋಧ ತಂದೆಗೆ ಸೆಲ್ಯೂಟ್‌ ಮಾಡಿದ ಜುರೆಲ್‌: ಕಾರಣ? 

Team Udayavani, Feb 26, 2024, 6:20 AM IST

ರಾಂಚಿ: ಹೋರಾಟದ 90 ರನ್‌ ಬಾರಿಸಿದ ಧ್ರುವ ಜುರೆಲ್‌, ಕೈತಪ್ಪಿ ಹೋಗಿದ್ದ ಪಂದ್ಯವನ್ನು ಭಾರತದ ಪರವಾಗಿ ಬದಲಾಯಿಸಿದ್ದಾರೆ. ಅವರ ಹೋರಾಟಕಾರಿ ಬ್ಯಾಟಿಂಗ್‌ಗೆ ವ್ಯಾಪಕ ಮೆಚ್ಚುಗೆ ಗಳಿಸಿದೆ. ಇದರ ನಡುವೆ ಇನ್ನೊಂದು ಕಾರಣಕ್ಕೆ ಜುರೆಲ್‌ ಸುದ್ದಿ ಮಾಡಿದ್ದಾರೆ.

ಅವರು ತಮ್ಮ ಟೆಸ್ಟ್‌ ವೃತ್ತಿಜೀವನದಲ್ಲಿ ಮೊದಲ ಬಾರಿ ಅರ್ಧಶತಕ ಬಾರಿಸಿದ್ದಾರೆ. ಈ ಸಂಭ್ರಮದಲ್ಲಿ ಅವರು ಸೆಲ್ಯೂಟ್‌ ಮಾಡಿ ಸಂಭ್ರಮಿಸಿದರು! ಅವರು ಹೀಗೆ ಮಾಡಿದ್ದಕ್ಕೆ ಏನಾದರೂ ಕಾರಣವಿದೆಯಾ ಎಂದು ನೆಟ್ಟಿಗರು ಶೋಧಿಸಿದಾಗ ಜುರೆಲ್‌ ಕಾರಣ ಬಿಚ್ಚಿಟ್ಟಿದ್ದಾರೆ. “ಕನಿಷ್ಠ ಒಂದು ಸೆಲ್ಯೂಟ್‌ ಮಾಡು ಎಂದು ಅಪ್ಪ ಹೇಳಿದ್ದರು. ಅವರು ಕಾರ್ಗಿಲ್‌ ಯುದ್ಧದಲ್ಲಿ ಹೋರಾಡಿದ್ದ ಯೋಧ. ಅವರ ಗೌರವಾರ್ಥ ಈ ರೀತಿಯಲ್ಲಿ ಅರ್ಧಶತಕವನ್ನು ಸಂಭ್ರಮಿಸಿದ್ದೇನೆ’ ಎಂದು ಜುರೆಲ್‌ ಅನಂತರ ಹೇಳಿದ್ದಾರೆ. ಜುರೆಲ್‌ ತಂದೆ ನೇಮ್‌ ಚಂದ್‌ ಸೇನೆಯಲ್ಲಿ ಹವಾಲ್ದಾರ್‌ ಆಗಿ ನಿವೃತ್ತರಾಗಿದ್ದಾರೆ.