Test:ಕೊಹ್ಲಿ ಈ ಸರಣಿಗೇ ಅನುಮಾನ!

Team Udayavani, Feb 8, 2024, 6:20 AM IST

ಹೊಸದಿಲ್ಲಿ: ಇಂಗ್ಲೆಂಡ್‌ ವಿರುದ್ಧದ ಮುಂದಿನೆರಡು ಟೆಸ್ಟ್‌ ಪಂದ್ಯ ಗಳಿಂದಲೂ ವಿರಾಟ್‌ ಕೊಹ್ಲಿ ಬಹುತೇಕ ಹೊರ ಗುಳಿಯಲಿದ್ದಾರೆ ಎಂದು ಬಿಸಿಸಿಐ ಮೂಲವೊಂದು ತಿಳಿಸಿದೆ. ಜತೆಗೆ ಅಂತಿಮ ಟೆಸ್ಟ್‌ನಲ್ಲಿ ಆಡುವುದೂ ಅನುಮಾನ ಎಂದಿದೆ. ಇದರೊಂದಿಗೆ ಕೊಹ್ಲಿ ಇಡೀ ಸರಣಿಯನ್ನೇ ತಪ್ಪಿಸಿಕೊಳ್ಳುವ ಸಾಧ್ಯತೆ ಹೆಚ್ಚಿದೆ.
ಧರ್ಮಶಾಲಾದಲ್ಲಿ ನಡೆಯುವ ಅಂತಿಮ ಟೆಸ್ಟ್‌ ಪಂದ್ಯಕ್ಕೆ ಇನ್ನೂ ಒಂದು ತಿಂಗಳಿರುವ ಕಾರಣ (ಮಾ. 7-11) ಕೊಹ್ಲಿ ಲಭ್ಯತೆ ಬಗ್ಗೆ ಈಗಲೇ ಏನೂ ಹೇಳುವಂತಿಲ್ಲ ಎಂದೂ ಮಂಡಳಿ ಮೂಲ ತಿಳಿಸಿದೆ.

ಆದರೆ ಕೊಹ್ಲಿ ಗೈರಿಗೆ ಕಾರಣವೇನು ಎಂಬುದು ಈವರೆಗೆ ಅಧಿಕೃತವಾಗಿ ತಿಳಿದು ಬಂದಿಲ್ಲ. ಅವರು 2ನೇ ಮಗುವಿನ ನಿರೀಕ್ಷೆ ಯಲ್ಲಿದ್ದಾರೆ ಎಂಬುದನ್ನೇ ಪ್ರಮುಖ ಕಾರಣ ಎಂದು ಭಾವಿಸಬೇಕಿದೆ.