ವೃತ್ತಿಪರ ಬಾಕ್ಸರ್‌ಗಳಿಗೂ ಒಲಿಂಪಿಕ್ಸ್‌ ಅವಕಾಶ

Team Udayavani, Sep 2, 2019, 5:26 AM IST

ಹೊಸದಿಲ್ಲಿ: ವೃತ್ತಿಪರ ಬಾಕ್ಸಿಂಗ್‌ ಪ್ರವೇಶಿಸಿರುವ ಭಾರತದ ಬಾಕ್ಸರ್‌ಗಳಿಗೆ ಸಂತಸದ ಸುದ್ದಿಯೊಂದನ್ನು ಬಿಎಫ್ಐ ನೀಡಿದೆ.

ವಿಜೇಂದರ್‌ ಸಿಂಗ್‌, ನೀರಜ್‌ ಗೋಯತ್‌ ಅವರಂತಹ ಬಾಕ್ಸರ್‌ಗಳಿಗೆ ಮುಂದಿನ ವರ್ಷದ ಒಲಿಂಪಿಕ್ಸ್‌ನಲ್ಲಿ ಭಾರತವನ್ನು ಪ್ರತಿನಿಧಿಸಲು ಅವಕಾಶ ನೀಡಿದೆ.

ಇದಕ್ಕಾಗಿ ಆ ಬಾಕ್ಸರ್‌ಗಳು ತಮ್ಮ ವೃತ್ತಿಪರ ಬಾಕ್ಸಿಂಗ್‌ನಿಂದ ಹೊರಬಂದು ಭಾರತ ಬಾಕ್ಸಿಂಗ್‌ ಸಂಸ್ಥೆಯಲ್ಲಿ ಹೆಸರು ನೋಂದಾಯಿಸಿಕೊಳ್ಳಬೇಕು. ಈ ಪ್ರಕ್ರಿಯೆ ಆನಂತರ ಅರ್ಹತಾ ಕೂಟಕ್ಕೆ ಇವರ ಹೆಸರನ್ನು ಬಿಎಫ್ಐ ಸೂಚಿಸಲಿದೆ. ಅಲ್ಲಿ ಆಯ್ಕೆಯಾದರೆ ದೇಶವನ್ನು ಒಲಿಂಪಿಕ್ಸ್‌ನಲ್ಲಿ ಪ್ರತಿನಿಧಿಸಬಹುದು.

ಅವಕಾಶ ನೀಡಿರಲಿಲ್ಲ. ಈ ವಿಚಾರದಲ್ಲಿ ಅಂತಾರಾಷ್ಟ್ರೀಯ ಬಾಕ್ಸಿಂಗ್‌ ಸಂಸ್ಥೆಯೇ (ಎಐಬಿಎ) ಅವಕಾಶ ನೀಡಿದ್ದರೂ, ಬಿಎಫ್ಐ ಕಠಿನ ನಿಲುವು ತಾಳಿತ್ತು. ಈ ಬಾರಿ ನಿಯಮನ್ನು ಬದಲಾಯಿಸಿದೆ. ಇದು ಭಾರತಕ್ಕೆ ಯಾವ ರೀತಿಯಲ್ಲಿ ನೆರವು ನೀಡಲಿದೆ ಎನ್ನುವುದನ್ನು ಕಾದು ನೋಡಬೇಕು.