![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thomas Cup: ಬ್ಯಾಡ್ಮಿಂಟನ್; ಭಾರತದ ಆಟಕ್ಕೆ ತೆರೆ
Team Udayavani, May 3, 2024, 12:57 PM IST
![Thomas Cup: ಬ್ಯಾಡ್ಮಿಂಟನ್; ಭಾರತದ ಆಟಕ್ಕೆ ತೆರೆ](https://www.udayavani.com/wp-content/uploads/2024/05/25-620x372.jpg)
ಚೆಂಗ್ಡು (ಚೀನ): ಥಾಮಸ್ ಕಪ್ ಮತ್ತು ಉಬೆರ್ ಕಪ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯಲ್ಲಿ ಭಾರತದ ಆಟ ಕ್ವಾರ್ಟರ್ ಫೈನಲ್ನಲ್ಲಿ ಕೊನೆಗೊಂಡಿದೆ.
ಕಳೆದ ವರ್ಷ ಥಾಮಸ್ ಕಪ್ ಗೆದ್ದು ಇತಿಹಾಸ ನಿರ್ಮಿಸಿದ ಪುರುಷರ ತಂಡ ಆತಿಥೇಯ ಚೀನ ವಿರುದ್ಧ 1-3 ಅಂತರದ ಸೋಲುಂಡು ಹೊರ ಬಿತ್ತು. ಇದಕ್ಕೂ ಮುನ್ನ ಉಬೆರ್ ಕಪ್ನಲ್ಲಿ ವನಿತಾ ತಂಡ ಜಪಾನ್ ಕೈಯಲ್ಲಿ 0-3 ಅಂತರದ ಸೋಲನುಭವಿಸಿತು.
ಎಚ್.ಎಸ್. ಪ್ರಣಯ್, ಚಿರಾಗ್ ಶೆಟ್ಟಿ-ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ ಸೋಲನುಭವಿಸಿದ ಬಳಿಕ ಲಕ್ಷ್ಯ ಸೇನ್ ಭಾರತವನ್ನು ಹಳಿಗೆ ಏರಿಸಿದರು. ಅವರು 13-21, 21-8, 21-14ರಿಂದ ಲೀ ಶಿ ಫೆಂಗ್ ವಿರುದ್ಧ ಗೆದ್ದು ಬಂದರು. ಆದರೆ ಧ್ರುವ ಕಪಿಲ-ಸಾಯಿ ಪ್ರತೀಕ್ ಜೋಡಿ ಯಶಸ್ಸು ಕಾಣಲಿಲ್ಲ.
ಉಬೆರ್ ಕಪ್ನಲ್ಲಿ ಅಶ್ಮಿತಾ ಚಾಲಿಹಾ 11ನೇ ರ್ಯಾಂಕಿಂಗ್ನ ಅಯಾ ಒಹೊರಿ ವಿರುದ್ಧ ದಿಟ್ಟ ಹೋರಾಟ ನೀಡಿದ್ದೊಂದೇ ಭಾರತದ ಪಾಲಿನ ಸಮಾಧಾನಕರ ಸಂಗತಿ. ಇದನ್ನು ಅಶ್ಮಿತಾ 10-21, 22-20, 15-21ರಿಂದ ಕಳೆದುಕೊಂಡರು. 20 ವರ್ಷದ ಇಶಾರಾಣಿ ಮಾಜಿ ನಂ.1 ಆಟ ಗಾರ್ತಿ ನೊಜೊಮಿ ಒಕುಹಾರ ವಿರುದ್ಧ 15-21, 12-21 ಅಂತರದ ಸೋಲನುಭವಿಸಿದರು. ಡಬಲ್ಸ್ ನಲ್ಲಿ ರಾಷ್ಟ್ರೀಯ ಚಾಂಪಿಯನ್ಗಳಾದ ಪ್ರಿಯಾ ಕೆ.-ಶ್ರುತಿ ಮಿಶ್ರಾ 8-21, 9-21ರಿಂದ ವಿಶ್ವದ 4ನೇ ರ್ಯಾಂಕಿಂಗ್ ಜೋಡಿಯಾದ ನಾಮಿ ಮಟ್ಸುಯಾಮಾ- ಚಿಹಾರು ಶಿಡಾ ಅವರಿಗೆ ಶರಣಾದರು.
ಸಿಂಧು ಅವರ ಅನುಪಸ್ಥಿತಿಯ ಹೊರ ತಾಗಿಯೂ ಲೀಗ್ ಹಂತದಲ್ಲಿ ಕೆನಡಾ ಮತ್ತು ಸಿಂಗಾಪುರ ವಿರುದ್ಧ ಭಾರತ ಜಯ ಸಾಧಿಸಿತ್ತು. ಆದರೆ ಚೀನಕ್ಕೆ ಅಂತಿಮ ಲೀಗ್ ಪಂದ್ಯದಲ್ಲಿ ಶರಣಾಗಿತ್ತು. ಭಾರತ ಈವರೆಗೆ ಕೇವಲ 3 ಸಲ ಉಬೆರ್ ಕಪ್ ಪಂದ್ಯಾವಳಿಯ ಸೆಮಿಫೈನಲ್ ತಲುಪಿದೆ. ಕೊನೆಯ ಸಲ ಉಪಾಂತ್ಯ ಕಂಡದ್ದು 2016ರಲ್ಲಿ. ಇದಕ್ಕೂ ಮುನ್ನ 1957 ಮತ್ತು 2014ರಲ್ಲಿ ಸೆಮಿಫೈನಲ್ ತನಕ ಸಾಗಿತ್ತು.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
![](https://www.udayavani.com/wp-content/uploads/2024/03/IndianClicks_GVega_300x250_03212024_1_3.gif)
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
![Diamond League: ಡೈಮಂಡ್ ಲೀಗ್ ಋತು ಫೈನಲಿಗೆ ನೀರಜ್ ಚೋಪ್ರಾ ಅರ್ಹತೆ](https://www.udayavani.com/wp-content/uploads/2024/09/NEERAJ-CHOPRA-150x83.jpg)
Diamond League: ಡೈಮಂಡ್ ಲೀಗ್ ಋತು ಫೈನಲಿಗೆ ನೀರಜ್ ಚೋಪ್ರಾ ಅರ್ಹತೆ
![Paralympics closing ceremony: ಸಮಾರೋಪ ಸಮಾರಂಭದಲ್ಲಿ ಹರ್ವಿಂದರ್, ಪ್ರೀತಿ ಧ್ವಜಧಾರಿಗಳು](https://www.udayavani.com/wp-content/uploads/2024/09/paralampics-150x84.jpg)
Paralympics: ಸಮಾರೋಪ ಸಮಾರಂಭದಲ್ಲಿ ಹರ್ವಿಂದರ್ ಸಿಂಗ್, ಪ್ರೀತಿ ಪಾಲ್ ಧ್ವಜಧಾರಿಗಳು
![US Open: ಯುಎಸ್ ಓಪನ್ ಟೆನಿಸ್ ಗ್ರ್ಯಾನ್ ಸ್ಲಾಮ್: ಪೆಗುಲಾ-ಸಬಲೆಂಕಾ ನಡುವೆ ಫೈನಲ್](https://www.udayavani.com/wp-content/uploads/2024/09/us-open-150x88.jpg)
US Open: ಯುಎಸ್ ಓಪನ್ ಟೆನಿಸ್ ಗ್ರ್ಯಾನ್ ಸ್ಲಾಮ್: ಪೆಗುಲಾ-ಸಬಲೆಂಕಾ ನಡುವೆ ಫೈನಲ್
![Paris Paralympics; Another gold for India; Praveen Kumar won gold in high jump](https://www.udayavani.com/wp-content/uploads/2024/09/prav-150x83.jpg)
Paralympics; ಭಾರತಕ್ಕೆ ಮತ್ತೊಂದು ಬಂಗಾರ; ಹೈಜಂಪ್ ನಲ್ಲಿ ಚಿನ್ನ ಗೆದ್ದ ಪ್ರವೀಣ್ ಕುಮಾರ್
![Vikram Rathore; Former coach of Team India joined New Zealand team](https://www.udayavani.com/wp-content/uploads/2024/09/vikram-150x83.jpg)
Vikram Rathour; ನ್ಯೂಜಿಲ್ಯಾಂಡ್ ತಂಡ ಸೇರಿದ ಟೀಂ ಇಂಡಿಯಾ ಮಾಜಿ ಕೋಚ್
MUST WATCH
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.