ಭಾರತ ತಂಡದಲ್ಲಿ ಮೂರು ಬದಲಾವಣೆ

Team Udayavani, Sep 21, 2018, 6:00 AM IST

ಹೊಸದಿಲ್ಲಿ: ಏಶ್ಯ ಕಪ್‌ನಲ್ಲಿ ಆಡುತ್ತಿರುವ ಭಾರತದ ಕ್ರಿಕೆಟಿಗರಿಗೆ ಏಕಕಾಲಕ್ಕೆ ತೀವ್ರ ಗಾಯದ ಸಮಸ್ಯೆ ಎದುರಾಗಿದ್ದು, ಇದರಿಂದ 3 ಬದಲಾವಣೆ ಮಾಡಿಕೊಳ್ಳಲಾಗಿದೆ.

ಆಲ್‌ರೌಂಡರ್‌ ಹಾರ್ದಿಕ್‌ ಪಾಂಡ್ಯ, ಎಡಗೈ ಸ್ಪಿನ್ನರ್‌ ಅಕ್ಷರ್‌ ಪಟೇಲ್‌ ಮತ್ತು ಪೇಸ್‌ ಬೌಲರ್‌ ಶಾದೂìಲ್‌ ಠಾಕೂರ್‌ ಗಾಯಾಳಾಗಿ ತಂಡದಿಂದ ಬೇರ್ಪಟ್ಟಿದ್ದಾರೆ. ಇವರ ಬದಲು ರವೀಂದ್ರ ಜಡೇಜ, ಸಿದ್ಧಾರ್ಥ್ ಕೌಲ್‌ ಮತ್ತು ದೀಪಕ್‌ ಚಹರ್‌ ಅವರನ್ನು ಸೇರಿಸಿಕೊಳ್ಳಲಾಗಿದೆ. ಬಿಸಿಸಿಐ ಗುರುವಾರ ಈ ಬದಲಾವಣೆಗಳನ್ನು ಪ್ರಕಟಿಸಿತು.

ಹಾರ್ದಿಕ್‌ ಪಾಂಡ್ಯ ಪಾಕಿಸ್ಥಾನ ವಿರುದ್ಧದ ಪಂದ್ಯದ ವೇಳೆ ತೀವ್ರವಾದ ಬೆನ್ನುನೋವಿಗೆ ಸಿಲುಕಿದ್ದರು. ಶಾದೂìಲ್‌ ಠಾಕೂರ್‌ ಹಾಂಕಾಂಗ್‌ ಎದುರಿನ ಪಂದ್ಯದ ಬಳಿಕ ಪೃಷ್ಠದ ನೋವಿಗೆ ಒಳಗಾಗಿದ್ದಾರೆ. ಈ ಸರಣಿಯಲ್ಲಿ ಈವರೆಗೆ ಆಡದ ಅಕ್ಷರ್‌ ಪಟೇಲ್‌ ಪಾಕ್‌ ವಿರುದ್ಧ ಬದಲಿ ಕ್ಷೇತ್ರರಕ್ಷಕನಾಗಿ ಕಣಕ್ಕಿಳಿದಿದ್ದ ವೇಳೆ ಬಲಗೈ ತೋರುಬೆರಳಿಗೆ ಗಾಯ ಮಾಡಿಕೊಂಡಿದ್ದರು.

ಏಶ್ಯ ಕಪ್‌: ಸೂಪರ್‌-4 ವೇಳಾಪಟ್ಟಿ
ದಿನಾಂಕ    ಪಂದ್ಯ    ಸ್ಥಳ    ಆರಂಭ
ಸೆ. 21 (ಶುಕ್ರವಾರ)    ಭಾರತ-ಬಾಂಗ್ಲಾದೇಶ    ದುಬಾೖ    ಸಂಜೆ 5.00
ಸೆ. 21 (ಶುಕ್ರವಾರ)    ಪಾಕಿಸ್ಥಾನ-ಅಫ್ಘಾನಿಸ್ಥಾನ    ಅಬುಧಾಬಿ    ಸಂಜೆ 5.00
ಸೆ. 23 (ರವಿವಾರ)    ಭಾರತ-ಪಾಕಿಸ್ಥಾನ    ದುಬಾೖ        ಸಂಜೆ 5.00
ಸೆ. 23 (ರವಿವಾರ)    ಬಾಂಗ್ಲಾದೇಶ-ಅಫ್ಘಾನಿಸ್ಥಾನ    ಅಬುಧಾಬಿ    ಸಂಜೆ 5.00
ಸೆ. 25 (ಮಂಗಳವಾರ)    ಭಾರತ-ಅಫ್ಘಾನಿಸ್ಥಾನ    ದುಬಾೖ    ಸಂಜೆ 5.00
ಸೆ. 26 (ಬುಧವಾರ)    ಪಾಕಿಸ್ಥಾನ-ಬಾಂಗ್ಲಾದೇಶ    ಅಬುಧಾಬಿ    ಸಂಜೆ 5.00
* ಸಮಯ: ಭಾರತೀಯ ಕಾಲಮಾನ
* ಪ್ರಸಾರ: ಸ್ಟಾರ್‌ ನ್ಪೋರ್ಟ್ಸ್