ಕೋವಿಡ್ ಕಳವಳ: ತಮಿಳುನಾಡು ಪ್ರೀಮಿಯರ್ ಲೀಗ್ ಮತ್ತೆ ಮುಂದೂಡಿಕೆ

Team Udayavani, Aug 1, 2020, 5:25 PM IST

ಚೆನ್ನೈ: ತಮಿಳುನಾಡು ರಾಜ್ಯದಲ್ಲಿ ಕೋವಿಡ್-19 ಸೋಂಕು ಭೀತಿ ತಗ್ಗಿರದ ಕಾರಣ ಐದನೇ ಆವೃತ್ತಿಯ ಟಿಎನ್ ಪಿಎಲ್ (ತಮಿಳುನಾಡು ಪ್ರೀಮಿಯರ್ ಲೀಗ್) ನ್ನು ಮತ್ತೆ ಮುಂದೂಡಲಾಗಿದೆ.

ದೇಶಿಯ ಕ್ರಿಕೆಟ್ ನಲ್ಲಿ ಪ್ರಸಿದ್ದವಾಗಿರುವ ಟಿಎಂಪಿಎಲ್ ಅನ್ನು ಈ ಬಾರಿ ಜೂನ್ 10ರಿಂದ ಜುಲೈ 12ರವರೆಗೆ ನಡೆಸಲು ಸಿದ್ದತೆ ನಡೆಸಲಾಗಿತ್ತು. ಆದರೆ ಕೋವಿಡ್ ಸೋಂಕು ಕಾರಣದಿಂದ ಮುಂದೂಡಲಾಗಿತ್ತು. ಆಗಸ್ಟ್ ಅಥವಾ ಸಪ್ಟೆಂಬರ್ ನಲ್ಲಿ ಕೂಟ ನಡೆಸಲು ತಮಿಳು ನಾಡು ಕ್ರಿಕೆಟ್ ಸಂಸ್ಥೆ ಯೋಜನೆ ರೂಪಿಸಿತ್ತು. ಆದರೆ ಕೋವಿಡ್ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿದ್ದು, ಈ ಸಮಯದಲ್ಲೂ ಕೂಟ ನಡೆಸಲು ಅಸಾಧ್ಯವಾಗಿದೆ.

ಐದನೇ ಆವೃತ್ತಿಯ ಟಿಎಂಪಿಎಲ್ ಅನ್ನು ಸಾಧ್ಯವಾದರೆ ಈ ವರ್ಷದ ನವೆಂಬರ್ ನಲ್ಲಿ ಇಲ್ಲವಾದರೆ ಮುಂದಿನ ವರ್ಷದ ಮಾರ್ಚ್ ನಲ್ಲಿ ನಡೆಸಲಾಗುವುದು ಎಂದು ಕ್ರಿಕೆಟ್ ಸಂಸ್ಥೆ ಕಾರ್ಯದರ್ಶಿ ಆರ್ ಎಸ್ ರಾಮಸ್ವಾಮಿ ಹೇಳಿದ್ದಾರೆ.