ಹಾಲೆಪ್‌ಗೆ ಆಘಾತವಿಕ್ಕಿದ ಟೌನ್‌ಸೆಂಡ್‌

Team Udayavani, Aug 31, 2019, 5:11 AM IST

ವನಿತಾ ಮುಖಾಮುಖೀಯಲ್ಲಿ ಅಮೆರಿಕದ 116ನೇ ರ್‍ಯಾಂಕಿಂಗ್‌ ಆಟಗಾರ್ತಿ ಟಯ್ಲರ್‌ ಟೌನ್‌ಸೆಂಡ್‌ ನೆಚ್ಚಿನ ಆಟಗಾರ್ತಿ ಸಿಮೋನಾ ಹಾಲೆಪ್‌ ಅವರನ್ನು ಕೆಡವಿ ಅಚ್ಚರಿಯ ಫ‌ಲಿತಾಂಶ ದಾಖಲಿಸಿದರು. ದ್ವಿತೀಯ ಸುತ್ತಿನ ಈ ಮುಖಾಮುಖೀಯಲ್ಲಿ ಟೌನ್‌ಸೆಂಡ್‌ 2-6, 6-3, 7-6 (7-4) ಅಂತರದಿಂದ ಗೆದ್ದು ಬೀಗಿದರು. ಕಳೆದೆರಡೂ ವರ್ಷ ಹಾಲೆಪ್‌ ಇಲ್ಲಿ ಮೊದಲ ಸುತ್ತಿನಲ್ಲೇ ಎಡವಿದ್ದರು.

6ನೇ ಶ್ರೇಯಾಂಕದ ಜೆಕ್‌ ಆಟಗಾರ್ತಿ ಪೆಟ್ರಾ ಕ್ವಿಟೋವಾ ಸೋಲು ಕೂಡ ಏರುಪೇರಿನ ಫ‌ಲಿತಾಂಶಕ್ಕೆ ಸಾಕ್ಷಿಯಾಗಿದೆ. ಅವರನ್ನು ಜರ್ಮನಿಯ ಆ್ಯಂಡ್ರಿಯಾ ಪೆಟ್ಕೊವಿಕ್‌ 6-4, 6-4ರಿಂದ ಮಣಿಸಿದರು.

ಒಸಾಕಾ – ಗಾಫ್ ಮುಖಾ ಮುಖೀ
ಅಗ್ರ ಶ್ರೇಯಾಂಕ ದ ನವೋಮಿ ಒಸಾಕಾ ಪೋಲ್ಯಾಂಡ್‌ನ‌ ಮಾಗಾx ಲೆನೆಟ್‌ ಅವರನ್ನು 6-2, 6-4ರಿಂದ ಮಣಿಸಿ 3ನೇ ಸುತ್ತಿಗೆ ಏರಿದರು. ಒಸಾಕಾ ಎದುರಾಳಿ ಅಮೆರಿಕದ 15ರ ಹರೆಯದ ಪ್ರತಿಭಾನ್ವಿತ ಆಟಗಾರ್ತಿ ಕೊಕೊ ಗಾಫ್. ದಿನದ ಇನ್ನೊಂದು ಪಂದ್ಯದಲ್ಲಿ ಅವರು ಹಂಗೇರಿಯ ಟೈಮಿಯಾ ಬಬೋಸ್‌ ವಿರುದ್ಧ 6-2, 4-6, 6-4 ಅಂತರದ ಜಯ ಸಾಧಿಸಿದರು. ಈ ಪಂದ್ಯಕ್ಕಾಗಿ ಅಮೆರಿಕದ ಅಭಿಮಾನಿಗಳು ತುದಿಗಾಲಲ್ಲಿ ನಿಂತಿದ್ದಾರೆ.

2 ಬಾರಿಯ ರನ್ನರ್‌ ಅಪ್‌ ಡೆನ್ಮಾರ್ಕ್‌ನ ಕ್ಯಾರೋಲಿನ್‌ ವೋಜ್ನಿಯಾಕಿ ಅಮೆರಿಕದ ಡೇನಿಯಲ್‌ ಕೊಲಿನ್ಸ್‌ ವಿರುದ್ಧ 4-6, 6-3, 6-4ರಿಂದ; ಲಾತ್ವಿಯಾದ ಜೆಲೆನಾ ಒಸ್ಟಾಪೆಂಕೊ ಅಮೆರಿಕದ ಮತ್ತೋರ್ವ ಆಟಗಾರ್ತಿ ಅಲಿಸನ್‌ ರಿಸ್ಕೆ ವಿರುದ್ಧ 6-4, 6-3 ಅಂತರದಿಂದ ಮೇಲುಗೈ ಸಾಧಿಸಿದರು. ಆದರೆ ಅಮೆರಿಕದ ಸೋಫಿಯಾ ಕೆನಿನ್‌ 3ನೇ ಸುತ್ತು ತಲಪುವಲ್ಲಿ ಯಶಸ್ವಿಯಾಗಿದ್ದಾರೆ. ಅವರು ಜರ್ಮನಿಯ ಲಾರಾ ಸಿಗ¾ಂಡ್‌ ವಿರುದ್ಧ 7-6 (7-4), 6-0 ಅಂತರದ ಗೆಲುವು ಒಲಿಸಿಕೊಂಡರು.

ಸ್ವಿಜರ್‌ಲ್ಯಾಂಡ್‌ನ‌ ಬೆಲಿಂಡಾ ಬೆನ್ಸಿಕ್‌ ಫ್ರಾನ್ಸ್‌ ನ ಅಲಿಜ್‌ ಕಾರ್ನೆಟ್‌ ವಿರುದ್ಧ 6-4, 1-6, 6-2ರಿಂದ ಮೇಲುಗೈ ಸಾಧಿಸಿದರು.