ರೋಚಕ ಪ್ರೊ ಕಬಡ್ಡಿ ಹಣಾಹಣಿ: ಒಂದಂಕದಿಂದ ಗೆದ್ದ ಯು ಮುಂಬಾ

Team Udayavani, Oct 21, 2022, 10:48 PM IST

ಬೆಂಗಳೂರು: ಎರಡನೇ ಬ್ರೇಕ್‌ ಬಳಿಕ ಮೊದಲ್ಗೊಂಡ ಶುಕ್ರವಾರದ ರೋಚಕ ಪ್ರೊ ಕಬಡ್ಡಿ ಹಣಾಹಣಿ ಯಲ್ಲಿ ಯು ಮುಂಬಾ ಒಂದು ಅಂಕದಿಂದ ಹರ್ಯಾಣ ಸ್ಟೀಲರ್ ಗೆ ಸೋಲುಣಿಸಿತು. ಅಂತರ 32-31. ಇದರೊಂದಿಗೆ 5 ಪಂದ್ಯಗಳಲ್ಲಿ ಮುಂಬಾ 3ನೇ ಜಯ ಸಾಧಿಸಿದರೆ, ಹರ್ಯಾಣ 3ನೇ ಸೋಲನುಭವಿಸಿತು.

ಮುಂಬಾ ಜಯದಲ್ಲಿ ರೈಡರ್‌ ಗುಮಾನ್‌ ಸಿಂಗ್‌, ನಾಯಕ ಹಾಗೂ ಡಿಫೆಂಡರ್‌ ಸುರೀಂದರ್‌ ಸಿಂಗ್‌ ಪ್ರಮುಖ ಪಾತ್ರ ವಹಿಸಿದರು. ಗುಮಾನ್‌ ಸರ್ವಾಧಿಕ 9 ಅಂಕ, ಸುರೀಂದರ್‌ ಸಿಂಗ್‌ 6 ಅಂಕ ಗಳಿಸಿದರು.

ಹರ್ಯಾಣ ಸಾಂ ಕ ಆಟ ಪ್ರದರ್ಶಿಸಿ ತಾದರೂ ಅದೃಷ್ಟ ಕೈಹಿಡಿಯಲಿಲ್ಲ. ರೈಡರ್‌ಗಳಾದ ಮಂಜೀತ್‌, ಮೀತು, ಡಿಫೆಂಡರ್‌ ಅಮೀರ್‌ ಹುಸೇನ್‌ ತಲಾ 4 ಅಂಕ; ಮೋಹಿತ್‌ ನಂದಾಲ್‌, ನಿತಿನ್‌ ರಾವಲ್‌ ತಲಾ 3 ಅಂಕ ಸಂಪಾದಿಸಿದರು.

ಪುನೇರಿ ಗೆಲುವು
ಪುನೇರಿ ಪಲ್ಟಾನ್‌-ಬೆಂಗಾಲ್‌ ವಾರಿ ಯರ್ ನಡುವಿನ ದ್ವಿತೀಯ ಪಂದ್ಯ ಕೂಡ ತೀವ್ರ ಪೈಪೋಟಿಯಿಂದ ಕೂಡಿತ್ತು. ಎರಡೂ ತಂಡಗಳು ಸಮಬಲದ ಹೋರಾಟ ನಡೆಸುತ್ತ ಸಾಗಿದವು. ಆದರೆ ಕೊನೆಯ ಹಂತದಲ್ಲಿ ತಿರುಗಿ ಬಿದ್ದ ಪುನೇರಿ 27-25 ಅಂಕಗಳ ಗೆಲುವು ಸಾಧಿಸುವಲ್ಲಿ ಯಶಸ್ವಿಯಾಯಿತು.

ಪುನೇರಿ ನಾಯಕ ಫ‌ಜಲ್‌ ಅಟ್ರಾಚಲಿ 6 ಅಂಕ, ಸೋಮ್‌ಬೀರ್‌ ಮತ್ತು ಅಸ್ಲಾಮ್‌ ತಲಾ 5 ಅಂಕ ಗಳಿಸಿದರು. ಬೆಂಗಾಲ್‌ ಪರ ನಾಯಕ ಮಣಿಂದರ್‌ ಸಿಂಗ್‌ ಉತ್ತಮ ಪ್ರದರ್ಶನವಿತ್ತರು (6 ಅಂಕ).

ಇದರೊಂದಿಗೆ ಪುನೇರಿ 6 ಪಂದ್ಯಗಳಲ್ಲಿ 3ನೇ ಗೆಲುವು ಕಂಡಿತು. ಬೆಂಗಾಲ್‌ ಇಷ್ಟೇ ಪಂದ್ಯಗಳಿಂದ 3ನೇ ಸೋಲನುಭವಿಸಿತು.