Unofficial Test : ದಕ್ಷಿಣ ಆಫ್ರಿಕಾ ‘ಎ’ ತಂಡೆದುರು ಡ್ರಾ ಸಾಧಿಸಿದ ಭಾರತ ‘ಎ’

Team Udayavani, Dec 29, 2023, 11:44 PM IST

ಬೆನೋನಿ: ಪ್ರವಾಸಿ ಭಾರತ “ಎ’ ತಂಡವು ದಕ್ಷಿಣ ಆಫ್ರಿಕಾ “ಎ’ ತಂಡೆದುರು ನಡೆದ ಎರಡನೇ ಅನಧಿಕೃತ ಟೆಸ್ಟ್‌ ಪಂದ್ಯದಲ್ಲಿ ಡ್ರಾ ಸಾಧಿಸಲು ಯಶಸ್ವಿ ಯಾಗಿದೆ. ಈ ಪಂದ್ಯದಲ್ಲಿ ಭಾರತ “ಎ’ ತಂಡಕ್ಕೆ ಮೊದಲ ಇನ್ನಿಂಗ್ಸ್‌ ಪೂರ್ತಿಗೊಳಿಸಲು ಸಾಧ್ಯವಾಗಲಿಲ್ಲ.

ಆವೇಶ್‌ ಖಾನ್‌ ದಾಳಿಗೆ ಕುಸಿದ ದಕ್ಷಿಣ ಆಫ್ರಿಕಾ 263 ರನ್ನಿಗೆ ಆಲೌಟಾಯಿತು. ಆವೇಶ್‌ ಖಾನ್‌ 54ಕ್ಕೆ 5 ವಿಕೆಟ್‌ ಉರುಳಿಸಿದ್ದರು. ಇದಕ್ಕುತ್ತರವಾಗಿ ಭಾರತ ಪಂದ್ಯವನ್ನು ಡ್ರಾದಲ್ಲಿ ಅಂತ್ಯಗೊಳಿಸಲು ನಿರ್ಧರಿಸಿದಾಗ ಆರು ವಿಕೆಟಿಗೆ 327 ರನ್‌ ಗಳಿಸಿತ್ತು.

ಅಂಡರ್‌ -19: ಅಫ್ಘಾನಿಸ್ಥಾನ ವಿರುದ್ಧ ಭಾರತಕ್ಕೆ 6 ವಿಕೆಟ್‌ ಜಯ

ಜೋಹಾನ್ಸ್‌ಬರ್ಗ್‌: ಇಲ್ಲಿ ಸಾಗುತ್ತಿರುವ ಅಂಡರ್‌ -19 ತ್ರಿರಾಷ್ಟ್ರಗಳ ಕ್ರಿಕೆಟ್‌ ಸರಣಿಯ ಪಂದ್ಯದಲ್ಲಿ ಭಾರತವು ಅಫ್ಘಾನಿಸ್ಥಾನ ತಂಡವನ್ನು ಆರು ವಿಕೆಟ್‌ಗಳಿಂದ ಸೋಲಿಸಿದೆ. ಸೌಮಿ ಪಾಂಡೆ ಅವರ ಅಮೋಘ ದಾಳಿಗೆ ತತ್ತರಿಸಿದ ಅಫ್ಘಾನಿಸ್ಥಾನ ತಂಡವು 198 ರನ್ನಿಗೆ ಆಲೌಟಾಯಿತು. ಭಾರತ ಅಂಡರ್‌-19 ತಂಡವು 4 ವಿಕೆಟಿಗೆ 202 ರನ್‌ ಗಳಿಸಿ ಜಯಭೇರಿ ಬಾರಿಸಿತು.