ಕಿರಿಯರ ಆಯ್ಕೆ ಸಮಿತಿ ಅಧ್ಯಕ್ಷ ಹುದ್ದೆಗೆ ವೆಂಕಟೇಶ್‌ ರಾಜೀನಾಮೆ

Team Udayavani, Mar 3, 2018, 6:30 AM IST

ನವದೆಹಲಿ: ಭಾರತದ ಅಂಡರ್‌-19 ಕ್ರಿಕೆಟಿಗರು ವಿಶ್ವಕಪ್‌ ಗೆದ್ದ ಒಂದೇ ತಿಂಗಳ ಒಳಗಾಗಿ ಕಿರಿಯರ ಆಯ್ಕೆ ಸಮಿತಿ ಅಧ್ಯಕ್ಷ ಸ್ಥಾನಕ್ಕೆ ವೆಂಕಟೇಶ ಪ್ರಸಾದ್‌ ರಾಜೀನಾಮೆ ನೀಡಿದ್ದಾರೆ.

ಕರ್ನಾಟಕದ ಪ್ರಸಾದ್‌ ಕಳೆದ 30 ತಿಂಗಳಿಂದಲೂ ಈ ಹುದ್ದೆಯಲ್ಲಿದ್ದರು. ಆದರೆ ವೆಂಕಟೇಶ ಪ್ರಸಾದ್‌ ಅವರ ಈ ನಿರ್ಧಾರಕ್ಕೆ ಸ್ಪಷ್ಟ ಕಾರಣಗಳು ತಿಳಿದು ಬಂದಿಲ್ಲ. ಬಿಸಿಸಿಐ ಮೂಲವೊಂದರ ಪ್ರಕಾರ ಪ್ರಸಾದ್‌ ಐಪಿಎಲ್‌ ಫ್ರಾಂಚೈಸಿಯೊಂದನ್ನು ಸೇರಿಕೊಳ್ಳುವ ಸಾಧ್ಯತೆ ಇದೆ ಎಂದು ಬಿಸಿಸಿಐ ಮೂಲವೊಂದು ಪಿಟಿಐಗೆ ತಿಳಿಸಿದೆ.

ಈ ಕುಸಿತು ಬಿಸಿಸಿಐ ಪ್ರಭಾರ ಅಧ್ಯಕ್ಷ ಸಿ.ಕೆ.ಖನ್ನಾ ಪ್ರತಿಕ್ರಿಯಿಸಿದ್ದು, “ನಾನು ಪ್ರಸಾದ್‌ ಅವರಲ್ಲಿ ಹುದ್ದೆಯಲ್ಲಿ ಮುಂದುವರಿಯುವಂತೆ ಸಾಕಷ್ಟು ಹೇಳಿದೆ. ಆದರೆ ಅವರು ಆಗಲೇ ಅಂತಿಮ ನಿರ್ಧಾರ ತೆಗೆದುಕೊಂಡಾಗಿತ್ತು’ ಎಂದಿದ್ದಾರೆ.