WWE; ಲೈಂಗಿಕ ದೌರ್ಜನ್ಯ ಆರೋಪ; WWE ಗೆ ರಾಜೀನಾಮೆ ನೀಡಿದ ವಿನ್ಸ್ ಮೆಕ್ ಮಹೊನ್

Team Udayavani, Jan 27, 2024, 1:29 PM IST

ಲಾಸ್ ಎಂಜಲೀಸ್: ಲೈಂಗಿಕ ಕಳ್ಳಸಾಗಣೆ ಮತ್ತು ದೌರ್ಜನ್ಯ ಸೇರಿದಂತೆ ಗಂಭೀರ ಆರೋಪಗಳ ಸರಣಿಯ ನಂತರ ವಿನ್ಸ್ ಮೆಕ್ ಮಹೊನ್ ಅವರು ಡಬ್ಲ್ಯೂ ಡಬ್ಲ್ಯೂಇ (WWE) ಮತ್ತು ಅದರ ಮೂಲ ಕಂಪನಿ ಟಿಕೆಒ ಗ್ರೂಪ್ ಹೋಲ್ಡಿಂಗ್ಸ್‌ ನಲ್ಲಿನ ತನ್ನ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ.

ಡೆಡ್‌ ಲೈನ್‌ ವರದಿಗಳ ಪ್ರಕಾರ, ಮಾಜಿ ಡಬ್ಲ್ಯೂ ಡಬ್ಲ್ಯೂಇ ಉದ್ಯೋಗಿ ಜನೆಲ್ ಗ್ರಾಂಟ್ ಅವರು ಮ್ಯಾಕ್‌ಮಹೊನ್ ಮೇಲೆ ಲೈಂಗಿಕ ದೌರ್ಜನ್ಯ ಮತ್ತು ದೈಹಿಕ ದೌರ್ಜನ್ಯವನ್ನು ಆರೋಪಿಸಿದ್ದರು, ಅದೇ ಸಮಯದಲ್ಲಿ ಮಾಜಿ ಡಬ್ಲ್ಯೂ ಡಬ್ಲ್ಯೂಇ ಕಾರ್ಯನಿರ್ವಾಹಕ ಜಾನ್ ಲೌರಿನೈಟಿಸ್ ಅವರ ಮೇಲೂ ಸಹ ಆರೋಪ ಮಾಡಿದ್ದರು.

ಬಹಿರಂಗಪಡಿಸದಿರುವ ಒಪ್ಪಂದಕ್ಕೆ (ಎನ್ ಡಿಎ) ಸಹಿ ಹಾಕಿದರೆ 2022 ರಲ್ಲಿ ತಮ್ಮ ಲೈಂಗಿಕ ಸಂಬಂಧವನ್ನು ಮುಚ್ಚಿಡಲು ಮೆಕ್ ಮಹೊನ್ ಅವರಿಗೆ 3 ಮಿಲಿಯನ್ ಡಾಲರ್ ಪಾವತಿಸಲು ಒಪ್ಪಿಕೊಂಡಿದ್ದರು ಎಂದು ಗ್ರಾಂಟ್ ಬಹಿರಂಗಪಡಿಸಿದರು. ಆದರೂ ಅವಳು ಕೇವಲ ಒಂದು ಮಿಲಿಯನ್ ಡಾಲರ್ ಪಡೆದಿದ್ದಾಳೆ, ಪೂರ್ಣ ಮೊತ್ತವಲ್ಲ ಎಂದು ಹೇಳಿಕೊಂಡಿದ್ದಾಳೆ.

ಆರೋಪಗಳನ್ನು ತೀವ್ರವಾಗಿ ನಿರಾಕರಿಸಿದರೂ, ಅವುಗಳನ್ನು ‘ಸುಳ್ಳು’ ಮತ್ತು ‘ಅಶ್ಲೀಲವಾದ ನಿದರ್ಶನಗಳು’ ಎಂದು ಕರೆದರೂ, ಮ್ಯಾಕ್ ಮಹೊನ್ ಅವರು ಜಾಗತಿಕ ಶಕ್ತಿ ಕೇಂದ್ರವಾಗಿ ನಿರ್ಮಿಸಲು ಸಹಾಯ ಮಾಡಿದ ಡಬ್ಲ್ಯೂಡಬ್ಲ್ಯೂಇ ಯೂನಿವರ್ಸ್ ಮತ್ತು ವ್ಯವಹಾರದಲ್ಲಿ ತೊಡಗಿಸಿಕೊಂಡಿರುವ ಪಾಲುದಾರರ ಗೌರವವನ್ನು ಉಲ್ಲೇಖಿಸಿ ತಮ್ಮ ಸ್ಥಾನದಿಂದ ಕೆಳಗಿಳಿಯಲು ನಿರ್ಧರಿಸಿದ್ದಾರೆ ಎಂದರು.