ನಡೆದಾಡಲಾಗದ ಸ್ಥಿತಿಯಲ್ಲಿ ವಿನೋದ್‌ ಕಾಂಬ್ಳಿ?: ವಿಡಿಯೋ ವೈರಲ್‌

Team Udayavani, Aug 7, 2024, 4:26 AM IST

ನವದೆಹಲಿ: ಕ್ರಿಕೆಟ್‌ ದಂತಕತೆ ಸಚಿನ್‌ ತೆಂಡೂಲ್ಕರ್‌ ಸಮಕಾಲೀನ, ಮಾಜಿ ಕ್ರಿಕೆಟರ್‌ ವಿನೇದ್‌ ಕಾಂಬ್ಳಿ ಈಗ ನಡೆದಾಡಲೂ ಆಗದ ಪರಿಸ್ಥಿತಿ ಅನುಭವಿಸುತ್ತಿದ್ದಾರೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದು ವೈರಲ್‌ ಆಗಿದೆ. ಕಾಂಬ್ಳಿ ಅವರನ್ನು ಈ ಸ್ಥಿತಿಯಲ್ಲಿ ನೋಡಲು ಬಹಳ ಬೇಸರವಾಗುತ್ತಿದೆ ಎಂದು ಅನೇಕರು ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.

ವಿಡಿಯೋದಲ್ಲಿ ಕಾಂಬ್ಳಿ, ಬೇರೆಯವರ ಸಹಾಯದಿಂದ ಪರದಾಡುತ್ತಾ ನಡೆದಾಡುತ್ತಿರುವ ಚಿತ್ರಣವಿದೆ. ಆದರೆ ಈ ವೈರಲ್‌ ವಿಡಿಯೋದ ಅಸಲಿಯತ್ತು ಇನ್ನೂ ಖಚಿತವಾಗಿಲ್ಲ. ಆದರೆ ಈ ವಿಡಿಯೋದಲ್ಲಿರುವುದು ಮಾಜಿ ಕ್ರಿಕೆಟರ್‌ ಕಾಂಬ್ಳಿಯವರೇ ಎಂದು ಅನೇಕ ನೆಟ್ಟಿಗರು ಪೋಸ್ಟ್‌ ಹಂಚಿಕೊಂಡಿದ್ದಾರೆ. ಕಾಂಬ್ಳಿಗೆ ನೆರವಿನ ಹಸ್ತ ಚಾಚಲು ಸಚಿನ್‌ ಒತ್ತಾಯಿಸಿದ್ದಾರೆ ಎಂದು ಕೆಲವೆಡೆ ವರದಿಯಾಗಿದೆ.