ಕ್ರಿಕೆಟ್‌ ಸ್ಟೇಡಿಯಂನಲ್ಲೇ ಹಾಂಕಾಂಗ್‌ ಆಟಗಾರ ಕಿಂಚಿತ್‌ ಪ್ರೇಮ ನಿವೇದನೆ!

Team Udayavani, Sep 2, 2022, 7:00 AM IST

ಕ್ರಿಕೆಟ್‌ ಸ್ಟೇಡಿಯಂನಲ್ಲಿ ಪ್ರೇಮ ನಿವೇದನೆ ಮಾಡಿಕೊಳ್ಳುವವರ ಸಂಖ್ಯೆ ಜಾಸ್ತಿಯಾಗುತ್ತಿದೆ. ಇದಕ್ಕೆ ಹೊಸತಾಗಿ ಸೇರ್ಪಡೆ ಗೊಂಡವರು ಹಾಂಕಾಂಗ್‌ ಆಟಗಾರ ಕಿಂಚಿತ್‌ ಶಾ.

ಭಾರತ ವಿರುದ್ಧದ ಏಷ್ಯಾ ಕಪ್‌ ಪಂದ್ಯವನ್ನು ಕಳೆದುಕೊಂಡರೂ ಕಿಂಚಿತ್‌ ಶಾ ಅವರ ಲವ್‌ ವಿಫ‌ಲವಾಗಲಿಲ್ಲ. ಪಂದ್ಯದ ಬಳಿಕ ನೇರವಾಗಿ ಸ್ಟೇಡಿಯಂಗೆ ಬಂದ ಅವರು, ಪಂದ್ಯ ವೀಕ್ಷಿಸಲು ಆಗಮಿಸಿದ ತಮ್ಮ ಗೆಳತಿಗೆ ಪ್ರೇಮ ನಿವೇದನೆ ಮಾಡಿಕೊಂಡರು. ಗೆಳತಿಯ ಮುಂದೆ ಮಂಡಿಯೂರಿ ಉಂಗುರವನ್ನು ತೋರಿಸುವ ಮೂಲಕ ಪ್ರಪೋಸ್‌ ಮಾಡಿದರು. ಇದಕ್ಕೆ ಗೆಳತಿ ಕೂಡ “ಯಸ್‌’ ಹೇಳಿದರು. ಸ್ಟೇಡಿಯಂನಲ್ಲಿದ್ದ ವೀಕ್ಷಕರು ಚಪ್ಪಾಳೆ ತಟ್ಟಿ ಇವರಿಬ್ಬರ ಪ್ರೇಮಕ್ಕೆ ಸ್ವಾಗತ ಕೋರಿದರು.

2021ರ ದುಬಾೖ ಐಪಿಎಲ್‌ ಪಂದ್ಯವೂ ಇಂಥದೊಂದು ವಿದ್ಯಮಾನಕ್ಕೆ ಸಾಕ್ಷಿಯಾಗಿದ್ದನ್ನು ಮರೆಯುವಂತಿಲ್ಲ. ಅಂದು ಪಂಜಾಬ್‌ ವಿರುದ್ಧ ಚೆನ್ನೈ ಪರಾಭವಗೊಂಡರೂ ಈ ತಂಡದ ದೀಪಕ್‌ ಚಹರ್‌ ಸ್ಟೇಡಿಯಂಗೆ ಆಗಮಿಸಿ ಗೆಳತಿ ಜಯಾ ಭಾರದ್ವಾಜ್‌ಗೆ ಪ್ರೇಮ ನಿವೇದನೆ ಮಾಡಿ ಯಶಸ್ಸು ಕಂಡಿದ್ದರು.

She said YES! ??
A heartwarming moment where Hong Kong’s @shah_kinchit95 proposed to his SO after playing a big match against India ?
A huge congratulations to the happy couple. We wish you all the joy and happiness in your new life together ❤️#AsiaCup2022 #GetReadyForEpic pic.twitter.com/CFypYMaPxj

— AsianCricketCouncil (@ACCMedia1) August 31, 2022