ಒಟ್ಟಿಗೆ ನೆಟ್ಸ್ ನಲ್ಲಿ ಬ್ಯಾಟಿಂಗ್ ಪ್ರಾಕ್ಟೀಸ್ ಮಾಡಿದ ವಿರಾಟ್ – ಬಾಬರ್

Team Udayavani, Oct 18, 2022, 10:11 AM IST

ಬ್ರಿಸ್ಬೇನ್: ರೋಹಿತ್ ಶರ್ಮಾ ನಾಯಕತ್ವದ ಐಸಿಸಿ ಟಿ20 ವಿಶ್ವಕಪ್ 2022ರ ಮೊದಲ ಪಂದ್ಯವನ್ನು ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ಥಾನ ವಿರುದ್ಧ ಆಡಲಿದೆ. ರವಿವಾರ ಈ ಪಂದ್ಯ ಮೆಲ್ಬೋರ್ನ್ ನಲ್ಲಿ ನಡೆಯಲಿದ್ದು, ಕಠಿಣ ಅಭ್ಯಾಸದಲ್ಲಿ ತೊಡಗಿದೆ.

ಸೋಮವಾರ ನಡೆದ ಅಭ್ಯಾಸ ಪಂದ್ಯದಲ್ಲಿ ಭಾರತ ತಂಡವು ಆತಿಥೇಯ ಆಸ್ಟ್ರೇಲಿಯಾ ವಿರುದ್ದ ಜಯ ಸಾಧಿಸಿದೆ. ಇದೇ ವೇಳೆ ಪಾಕಿಸ್ಥಾನವು ಇಂಗ್ಲೆಂಡ್ ವಿರುದ್ಧ ಪ್ರಾಕ್ಟೀಸ್ ಮ್ಯಾಚ್ ಆಡಿದ್ದು, ಸೋಲನುಭವಿಸಿದೆ.

ಅಭ್ಯಾಸ ಪಂದ್ಯಗಳು ಮುಗಿದ ತಕ್ಷಣ, ಭಾರತದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಮತ್ತು ಪಾಕಿಸ್ತಾನದ ನಾಯಕ ಬಾಬರ್ ಅಜಂ ಬ್ರಿಸ್ಬೇನ್‌ ನ ಗಬ್ಬಾದಲ್ಲಿ ಒಟ್ಟಿಗೆ ನೆಟ್ಸ್‌ ನಲ್ಲಿ ತಮ್ಮ ಅಭ್ಯಾಸ ನಡೆಸಿದ್ದಾರೆ. ವಿಶ್ವ ಚಾಂಪಿಯನ್ ಆಸ್ಟ್ರೇಲಿಯಾ ವಿರುದ್ಧದ ಅಭ್ಯಾಸ ಪಂದ್ಯದಲ್ಲಿ ಕೊಹ್ಲಿ 13 ಎಸೆತಗಳಲ್ಲಿ 19 ರನ್ ಗಳಿಸಿದರು. ಆದರೆ ಬಾಬರ್ ಅಜಂ ಪ್ರಾಕ್ಟೀಸ್ ಮ್ಯಾಚ್ ಆಡಿರಲಿಲ್ಲ.

ಇದನ್ನೂ ಓದಿ:ಜಿಲ್ಲೆಯ 4 ಕಡೆ ಶಿಶುಪಾಲನ ಕೇಂದ್ರ ; ಮಕ್ಕಳ ಪಾಲನೆಗೆ ಪೂರಕ ವಾತಾವರಣ

ಬಾಬರ್ ಅಜಂ ಮತ್ತು ವಿರಾಟ್ ಕೊಹ್ಲಿ ಅಕ್ಕಪಕ್ಕದ ನೆಟ್‌ ಗಳಲ್ಲಿ ಬ್ಯಾಟಿಂಗ್ ಮಾಡುತ್ತಿರುವ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.

ನೆಟ್ಸ್‌ ನಲ್ಲಿ ಚೆಂಡನ್ನು ಮಿಡ್ಲ್ ಮಾಡುತ್ತಿದ್ದ ಕೊಹ್ಲಿ, ಶಾರ್ಟ್ ಬಾಲ್ ಅನ್ನು ಆಕ್ರಮಣಕಾರಿ ರೀತಿಯಲ್ಲಿ ಆಡಿದರು.

The way Babar Azam looks at Virat Kohli ? Virat ✖️ Babar net session together! ???? #ViratKohli? #BabarAzam #SportsYaari pic.twitter.com/VjriVF6TTH

— Sushant Mehta (@SushantNMehta) October 17, 2022