ಆಟದ ಬದ್ಧತೆಯಲ್ಲಿ ವಿರಾಟ್ ಕೊಹ್ಲಿ ಮತ್ತು ಕ್ರಿಸ್ಟಿಯಾನೋ ರೊನಾಲ್ಡೋ ಸರಿಸಮಾನರು

Team Udayavani, Dec 16, 2019, 4:20 PM IST

ಮುಂಬೈ: ಆಟದ ಬದ್ಧತೆಯಲ್ಲಿ ಕ್ರಿಕೆಟ್ ನ ವಿರಾಟ್ ಕೊಹ್ಲಿ ಮತ್ತು ಫುಟ್ ಬಾಲ್ ನ ಕ್ರಿಸ್ಟಿಯಾನೋ ರೊನಾಲ್ಡೋ ಸರಿಸಮಾನರು ಎಂದು ಕ್ರಿಕೆಟ್ ಲೆಜೆಂಡ್ ಬ್ರಿಯಾನ್ ಲಾರಾ ಅಭಿಪ್ರಾಯ ಪಟ್ಟಿದ್ದಾರೆ.

ಖಾಸಗಿ ಸುದ್ದಿಸಂಸ್ಥೆ ಜೊತೆಗೆ ಮಾತನಾಡಿದ ಬ್ರಿಯಾನ್ ಲಾರಾ, ಭಾರತದ ಕೆ ಎಲ್ ರಾಹುಲ್ ಪ್ರತಿಭೆಯಲ್ಲಿ ವಿರಾಟ್ ಕೊಹ್ಲಿಗೆ ಸಮನಿರಬಹುದು. ಆದರೆ ವಿರಾಟ್ ಕೊಹ್ಲಿಗಿರುವ ಆಟದ ಕುರಿತಾದ ಬದ್ಧತೆ, ಆತನ ಪರಿಶ್ರಮ ಮತ್ತು ತಯಾರಿ ಆತನನ್ನು ಮತ್ತೊಂದು ಮಜಲಿಗೆ ಕೊಂಡೊಯ್ದಿದೆ ಎಂದು ಗುಣಗಾನ ಮಾಡಿದರು.

ವಿರಾಟ್ ಕೊಹ್ಲಿಯ ದೈಹಿಕ ಶಕ್ತಿ ಮತ್ತು ಮಾನಸಿಕ ಶಕ್ತಿ ನಂಬಲಸಾಧ್ಯ ಎಂದ ಲಾರಾ, ಯಾವುದೇ ಕಾಲದ ಶ್ರೇಷ್ಠ ತಂಡಗಳ್ಲಲಿ ವಿರಾಟ್ ಕೊಹ್ಲಿ ಅನುಮಾನವಿಲ್ಲದೆ ಜಾಗ ಪಡೆಯುತ್ತಾನೆ ಎಂದರು.