ದಿ ಗ್ರೇಟ್‌ ಕುಸ್ತಿ ಖಲಿ ಭೇಟಿಯಾದ ಭಾರತ ನಾಯಕ ವಿರಾಟ್‌ ಕೊಹ್ಲಿ

Team Udayavani, Aug 8, 2017, 12:07 PM IST

ನವದೆಹಲಿ: ಭಾರತ ತಂಡದ ನಾಯಕ ವಿರಾಟ್‌ ಕೊಹ್ಲಿ ಡಬ್ಲ್ಯೂಡಬ್ಲ್ಯೂಇ ಮಾಜಿ ಚಾಂಪಿಯನ್‌ ದಿ ಗ್ರೇಟ್‌ ಖಲಿಯನ್ನು ಭೇಟಿ ಮಾಡಿದ್ದಾರೆ. ಖಲಿ ಜತೆಗಿರುವ ಫೋಟೋವನ್ನು ಕೊಹ್ಲಿ ಟ್ವೀಟರ್‌ನಲ್ಲಿ ಅಪ್‌ಲೋಡ್‌ ಮಾಡಿದ್ದಾರೆ.

ಅಭಿಮಾನಿಗಳು ಭಾರೀ ಸಂಖ್ಯೆಯಲ್ಲಿ ಇದಕ್ಕೆ ಲೈಕ್ಸ್‌, ಕಾಮೆಂಟ್‌ ನೀಡಿದ್ದಾರೆ. ಚಿತ್ರದ ಜತೆಗೆ “ಗ್ರೇಟ್‌ ಖಲಿಯ ಭೇಟಿ ಶ್ರೇಷ್ಠ ಭೇಟಿ, ಎಂತಹ ಅದ್ಭುತ ವ್ಯಕ್ತಿ’ ಎಂದು ಕೊಹ್ಲಿ ಬರೆದುಕೊಂಡಿದ್ದಾರೆ. ಖಲಿ, ಕೊಹ್ಲಿ ಜತೆಗಿರುವ ಫೋಟೋದಲ್ಲಿ ಖಲಿಯ ಭುಜದ ಎತ್ತರಕ್ಕೆ ಕೊಹ್ಲಿ ಬರುತ್ತಾರೆ. ಕೊಹ್ಲಿ ಕಣ್ಣಿನ ಹುಬ್ಬನ್ನು ಏರಿಸಿ ಅಚ್ಚರಿಯ ಸೂಚನೆ ನೀಡಿದ್ದಾರೆ. ಅದೇ ರೀತಿ ಭಾರತ ತಂಡದ ವೇಗಿ ಉಮೇಶ್‌ ಯಾದವ್‌ ಕೂಡ ಖಲಿಯನ್ನು ಭೇಟಿ ಮಾಡಿ ಫೋಟೋ ತೆಗೆಸಿ ಕೊಂಡಿದ್ದಾರೆ.

ಶ್ರೀಲಂಕಾ ಸರಣಿ ಗೆದ್ದ ಖುಷಿಗೆಈಜುಕೊಳಕ್ಕೆ ಜಿಗಿದ ಕೊಹ್ಲಿ ಪಡೆ
ಕೊಲಂಬೊ: ವಿರಾಟ್‌ ಕೊಹ್ಲಿ ನೇತೃತ್ವದ ಭಾರತ ತಂಡ ಶ್ರೀಲಂಕಾ ವಿರುದ್ಧ 2-0 ದಿಂದ ಸರಣಿ ಗೆದ್ದಿದೆ. ಇದೇ ಖುಷಿಯಲ್ಲಿ ಆಟಗಾರರು ಹೋಟೆಲ್‌ನ ಈಜು ಕೊಳಕ್ಕೆ ಜಿಗಿದು ಸಂಭ್ರಮಿಸಿದ್ದಾರೆ. ಆಟಗಾರರು ಈಜುಕೊಳದಲ್ಲಿ ಸಂಭ್ರಮಿಸುತ್ತಿರುವ ವಿಡಿಯೋವನ್ನು ಬಿಸಿಸಿಐ ತನ್ನ ಅಧಿಕೃತ ಫೇಸ್‌ಬುಕ್‌ನಲ್ಲಿ ಪ್ರಕಟಿಸಿದೆ. ಇದಕ್ಕೆ ಭಾರೀ ಸಂಖ್ಯೆಯಲ್ಲಿ ಅಭಿಮಾನಿಗಳು ಲೈಕ್‌ ಮತ್ತು ಕಾಮೆಂಟ್‌ ನೀಡಿದ್ದಾರೆ. ಭಾರತ 2ನೇ ಟೆಸ್ಟ್‌ನಲ್ಲಿ ಲಂಕಾ ವಿರುದ್ಧ ಇನಿಂಗ್ಸ್‌ ಮತ್ತು 53 ರನ್‌ಗಳಿಂದ ಜಯ ಸಾಧಿಸಿದೆ. ಎರಡೂ ಟೆಸ್ಟ್‌ನಲ್ಲಿ ಭಾರತ ಭರ್ಜರಿ ಪ್ರದರ್ಶನ ನೀಡಿದೆ. ರವಿಶಾಸ್ತ್ರಿ ಕೋಚ್‌ ಆದ ಮೇಲೆ ಇದು ಭಾರತಕ್ಕೆ ಸರಣಿಯಾಗಿತ್ತು. ಮೊದಲ ಸರಣಿಯಲ್ಲಿಯೇ ಕೋಚ್‌ ರವಿಶಾಸ್ತ್ರಿ ಮತ್ತು ನಾಯಕ ವಿರಾಟ್‌ ಕೊಹ್ಲಿ ಜೋಡಿ ಯಶಸ್ಸು ಸಾಧಿಸಿದೆ.