ಇನ್‌ಸ್ಟಾಗ್ರಾಮ್‌ ಪ್ರಭಾವಿಗಳಲ್ಲಿ ವಿರಾಟ್‌ ಕೊಹ್ಲಿಯೇ ಮುಂದೆ; ದ್ವಿತೀಯ ಸ್ಥಾನದಲ್ಲಿ ಮೋದಿ

Team Udayavani, Dec 14, 2020, 10:49 PM IST

ಹೊಸದಿಲ್ಲಿ: ದೇಶದ ಇನ್‌ಸ್ಟ್ರಾಗ್ರಾಮ್‌ ಪ್ರಭಾವಿಗಳಲ್ಲಿ ಟೀಮ್‌ ಇಂಡಿಯಾ ಕಪ್ತಾನ ವಿರಾಟ್‌ ಕೊಹ್ಲಿ ಪ್ರಧಾನಿ ನರೇಂದ್ರ ಮೋದಿಯವರನ್ನೂ ಹಿಂದಿಕ್ಕಿ ಅಗ್ರಸ್ಥಾನ ಅಲಂಕರಿಸಿದ್ದಾರೆ.

ಜಾಗತಿಕ ದತ್ತಾಂಶ ಸಂಗ್ರಹ ಮತ್ತು ವಿಶ್ಲೇಷಣಾ ವೇದಿಕೆಯಾದ “ಹೈಪ್‌ ಆಡಿ ಟರ್‌’ ಪ್ರಕಟಿಸಿದ ಯಾದಿಯಲ್ಲಿ ಕೊಹ್ಲಿ 12ನೇ ಸ್ಥಾನ ಪಡೆದಿದ್ದಾರೆ. ಅವರು 2.4 ಮಿಲಿಯನ್‌ ಫಾಲೋವರ್‌ಗಳನ್ನು ಹೊಂದಿದ್ದಾರೆ. ಪ್ರಧಾನಿ ಮೋದಿ 3 ಸ್ಥಾನ ಮೇಲೇರಿದ್ದು, 20ನೇ ಸ್ಥಾನ ಅಲಂಕರಿಸಿದ್ದಾರೆ. ವಿರಾಟ್‌ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮ ಈ ಯಾದಿಯಲ್ಲಿರುವ ಭಾರತದ 3ನೇ ಇನ್‌ಸ್ಟ್ರಾಗ್ರಾಮ್‌ ಪ್ರಭಾವಿಯಾಗಿದ್ದಾರೆ (26).

ಈ ಯಾದಿಯ ಅಗ್ರಸ್ಥಾನದಲ್ಲಿರುವವರು ಸ್ಟಾರ್‌ ಫ‌ುಟ್ಬಾಲರ್‌ ಕ್ರಿಸ್ಟಿಯಾನೊ ರೊನಾಲ್ಡೊ. ಬಾರ್ಸಿಲೋನಾದ ಫಾರ್ವರ್ಡ್‌ ಆಟಗಾರ ಲಿಯೋನೆಲ್‌ ಮೆಸ್ಸಿ ದ್ವಿತೀಯ ಸ್ಥಾನಿಯಾಗಿದ್ದಾರೆ.

ದೇಶದ ಪುರುಷ ಕ್ರೀಡಾಪಟುಗಳಲ್ಲಿ ಅತೀ ಹೆಚ್ಚು ಇನ್‌ಸ್ಟ್ರಾಗ್ರಾಮ್‌ ಚರ್ಚೆಗೊಳಗಾದವರಲ್ಲಿ ಸಹ ಆಟಗಾರರಾದ ರೋಹಿತ್‌ ಶರ್ಮ ಮತ್ತು ಎಂ.ಎಸ್‌. ಧೋನಿ ಅವರನ್ನು ಕೊಹ್ಲಿ ಹಿಂದಿಕ್ಕಿದರು. ವನಿತಾ ವಿಭಾಗದಲ್ಲಿ ಈ ಹೆಗ್ಗಳಿಕೆ ಗೀತಾ ಪೋಗಟ್‌ ಪಾಲಾಗಿದೆ.