ಕೊಹ್ಲಿ ಕಣ್ಣೋಟ ವೈರಲ್‌: ಕಿಡಿ ಕಾರಿದ ಅರ್ಚನಾ ವಿಜಯಾ 

Team Udayavani, May 5, 2017, 10:54 AM IST

ಬೆಂಗಳೂರು: ಆರ್‌ಸಿಬಿ ನಾಯಕ ವಿರಾಟ್‌ ಕೊಹ್ಲಿ ಅವರ ಫೋಟೋ ವೊಂದು ವೈರಲ್‌ ಆಗಿದ್ದು, ಈ ಕುರಿತು ಆ್ಯಂಕರ್‌ ಮತ್ತು ವೀಕ್ಷಕ ವಿವರಣೆಗಾತಿ ಅರ್ಚನಾ ವಿಜಯಾ ಕಿಡಿ ಕಾರಿದ್ದಾರೆ.

ಪಂದ್ಯವೊಂದರ ವೇಳೆ ಅರ್ಚನಾ ಅವರ ಸಂದರ್ಶನ ನಡೆಸುತ್ತಿದ್ದರು. ಈ ವೇಳೆ ಕೊಹ್ಲಿ ಅವರು ಅರ್ಚನಾ ಅವರ ಹರಿದ ಜೀನ್ಸ್‌ನೊಳಗಿಂದ ಕಾಣುತ್ತಿದ್ದ ಕಾಲುಗಳನ್ನು ದಿಟ್ಟಿಸಿ ನೋಡುತ್ತಿದ್ದಂತೆ ಫೋಟೋ ತೆಗೆಯಲಾಗಿದ್ದು , ಅದು ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿತ್ತು.

34 ರ ಹರೆಯದ ಅರ್ಚನಾ ಈ ಬಗ್ಗೆ ಕಿಡಿ ಕಾರಿ ಕೊಹ್ಲಿ ಅಂತಹವರಲ್ಲ ,ನಾನು ರ್ಯಾಪಿಡ್‌ ಫೈರ್‌ ಮಾದರಿಯಲ್ಲಿ ಪ್ರಶ್ನಿಸುತ್ತಿದ್ದೆ.  ಅವರು ನನ್ನ ಕೈಯಲ್ಲಿದ್ದ ಕ್ಲೂ ಕಾರ್ಡ್‌ ನೋಡಿ ವಂಚಿಸಲು ಮುಂದಾಗಿದ್ದರು ಹೊರತು ಕಾಲುಗಳನ್ನ ನೋಡುತ್ತಿರಲಿಲ್ಲ. ಫೋಟೋಗ್ರಾಫ‌ರ್‌ಗಳು ಸಮಯ ಸಾಧಿಸಿ ಫೋಟೋ ತೆಗದು ಅನರ್ಥ ಕಲ್ಪಿಸಿದ್ದಾರೆ ಎಂದು ಬೇಸರ ವ್ಯಕ್ತ ಪಡಿಸಿದ್ದಾರೆ. 

ಭಾರತದಲ್ಲಿ, ಮಹಿಳೆಯರಿಗೆ ವಸ್ತುನಿಷ್ಠತೆ ಇದೆ, ಆದ್ದರಿಂದ ನೀವು ನಿಮ್ಮ ಕೆಲಸವನ್ನು ಗಟ್ಟಿಯಾಗಿ ಮಾಡಬೇಕಾಗುತ್ತದೆ. ಇದು ನಿರಂತರ ಸವಾಲು ಮತ್ತು ಮನಸ್ಸು ಬದಲಾಯಿಸಲು ಅಗತ್ಯವಿದೆ. ಬದಲಾವಣೆ ಮೇಲ್ಭಾಗದಲ್ಲಿ ಪ್ರಾರಂಭಿಸಬೇಕಾಗಿದೆ ಎಂದು ಅರ್ಚನಾ ಹೇಳಿದ್ದಾರೆ.