ಕೊಹ್ಲಿ ಶ್ರೇಷ್ಠ ನಾಯಕ: ಶೇನ್‌ ವಾಟ್ಸನ್‌ ಪ್ರಶಂಸೆ

Team Udayavani, Mar 15, 2017, 10:53 AM IST

ಸಿಡ್ನಿ: ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ ಅವರನ್ನು ಆಸ್ಟ್ರೇಲಿಯದ “ದಿ ಡೈಲಿ ಟೆಲಿಗ್ರಾಫ್’ ಪತ್ರಿಕೆ ಅತಿ ಕೆಟ್ಟ ನಾಯಕ, ಸರ್ವಾಧಿಕಾರಿ ಎಂದೆಲ್ಲ ಬಣ್ಣಿಸಿತ್ತು. ಆದರೆ ಅದೇ ಪತ್ರಿಕೆಯಲ್ಲಿ ಆಸ್ಟ್ರೇಲಿಯದ ಮಾಜಿ  ಕ್ರಿಕೆಟಿಗ ಶೇನ್‌ ವಾಟ್ಸನ್‌, ಕೊಹ್ಲಿಯನ್ನು ಭರ್ಜರಿಯಾಗಿ ಹೊಗಳಿದ್ದಾರೆ. 

“ವಿರಾಟ್‌ ಕೊಹ್ಲಿ ತನ್ನಂತೆಯೇ ಇತರ ಆಟಗಾರರು ಇರಬೇಕೆಂದು ಬಯಸುತ್ತಾರೆ. ಅಷ್ಟೇ ಉತ್ತಮವಾಗಿ ಆಡ ಬೇಕೆಂದು ನಿರೀಕ್ಷಿಸುತ್ತಾರೆ. ಪ್ರತಿಯೊಬ್ಬರೂ ಸಿದ್ಧವಾಗಿರ ಬೇಕೆಂದು ನಿರೀಕ್ಷಿಸುತ್ತಾರೆ. ಅವರ ಆಕ್ರಮಣಶೀಲತೆ ಹೆಚ್ಚೆಚ್ಚು ಹೊರಮುಖೀಯಾಗಿ ಪ್ರಕಟವಾಗುತ್ತದೆ. ಅದರರ್ಥ ಅವರು ಸರಿಯಿಲ್ಲ ಎಂದಲ್ಲ. ಅವರ ಈ ಗುಣ ಭಾರತ ತಂಡಕ್ಕೂ ಒಳ್ಳೆಯದು’ ಎಂದು ವಾಟ್ಸನ್‌ ಹೇಳುತ್ತಾರೆ.

ಕೊಹ್ಲಿ ಮತ್ತು ಆಸ್ಟ್ರೇಲಿಯ ನಾಯಕ ಸ್ಟೀವ್‌ ಸ್ಮಿತ್‌ ಅವರದ್ದು ಒಂದೇ ಗುಣ. ಇಬ್ಬರೂ ಗೆಲುವಿಗಾಗಿ ತೀವ್ರ ಯತ್ನ ಮಾಡುತ್ತಾರೆ. ಆದ್ದರಿಂದ ಮುಂದಿನೆರಡೂ ಟೆಸ್ಟ್‌ ಗಳು ಇಬ್ಬರಿಗೂ ಬಹಳ ಮಹತ್ವದ್ದು ಎಂದಿದ್ದಾರೆ.