ವಿಟಿಯು ವಿಭಾಗೀಯ ಮಹಿಳಾ ಕಬಡ್ಡಿ

Team Udayavani, May 5, 2018, 6:00 AM IST

ಮೂಡಬಿದಿರೆ: ಬೆಳಗಾವಿಯ ವಿಶ್ವೇಶ್ವರಯ್ಯ ಟೆಕ್ನೋಲೊಜಿಕಲ್‌ ಯೂನಿವರ್ಸಿಟಿಯ “ಬೆಂಗಳೂರು ಹೊರತಾದ’ ಅಂತರ್‌ ಕಾಲೇಜು ಮಟ್ಟದ ಮಹಿಳಾ ಕಬಡ್ಡಿ ಚಾಂಪಿಯನ್‌ಶಿಪ್‌ ಆಳ್ವಾಸ್‌ ಎಂಜಿನಿಯರಿಂಗ್‌ ಕಾಲೇಜಿನ ಆತಿಥ್ಯದಲ್ಲಿ ಶುಕ್ರವಾರ ಮಿಜಾರು ಶೋಭಾವನದ ವಿರಾಸತ್‌ ಗ್ರೌಂಡ್‌ನ‌ಲ್ಲಿ ಜರಗಿತು.

ಕಾಲೇಜಿನ  ಪ್ರಾಚಾರ್ಯ ಡಾ| ಪೀಟರ್‌ ಫೆರ್ನಾಂಡಿಸ್‌ ಅವರ ಅಧ್ಯಕ್ಷತೆಯಲ್ಲಿ, ಮಿಜಾರು ನಾಗರಿಕ ಹಿತರಕ್ಷಣಾ ವೇದಿಕೆಯ ಸಂಚಾಲಕ ಸುಧಾಕರ ಪೂಂಜಾ ಅವರು ಪಂದ್ಯಾಟವನ್ನು ಉದ್ಘಾಟಿಸಿ ಮಾತನಾಡಿ, ಆಳ್ವಾಸ್‌ ಕ್ರೀಡಾಕೂಟಗಳನ್ನು  ಸಂಘಟಿಸುವುದರಲ್ಲೂ  ಎತ್ತಿದ ಕೈಯಾಗಿದೆ; ಈ ಪಂದ್ಯಾಟದಲ್ಲಿ ಮಿಂಚುವ ಕಬಡ್ಡಿ ಪಟುಗಳು ರಾಜ್ಯ, ರಾಷ್ಟ್ರ ಮಟ್ಟದಲ್ಲಿ  ಮಿಂಚುವಂತಾಗಲಿ ಎಂದು ಹಾರೈಸಿದರು.

ಈ ಸಂದರ್ಭ ಸಂಸ್ಥೆಯ ದೈಹಿಕ ಶಿಕ್ಷಣ ನಿರ್ದೇಶಕ ನಿತಿನ್‌ ಉಪಸ್ಥಿತರಿದ್ದರು. ನಿಧಿಶ್ರೀ ಅವರು ನಿರೂಪಿಸಿದರು.