Team India; ಗಂಭೀರ್ ಕೋಚ್‌ ಹುದ್ದೆಯ ಮೇಲೆ ತೂಗುಗತ್ತಿ:‌ ವಿವಿಎಸ್‌ ಗೆ ಪಟ್ಟ?

Team Udayavani, Nov 10, 2024, 2:47 PM IST

ನವದೆಹಲಿ: ನ್ಯೂಜಿಲೆಂಡ್‌ ವಿರುದ್ಧದ ಟೆಸ್ಟ್‌ ಸರಣಿಯಲ್ಲಿ ಭಾರತ 3-0 ಯಿಂದ ಸೋತು ಮುಖಭಂಗಕ್ಕೀಡಾದಂತೆ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್‌ ಸರಣಿಯಲ್ಲೂ ಸೋತರೆ, ಟೆಸ್ಟ್‌ ಕೋಚ್‌ ಸ್ಥಾನದಿಂದ ಗಂಭೀರ್‌ ಅವರನ್ನು ಬಿಸಿಸಿಐ ಕೆಳಗಿಳಿಸುವ ಸಾಧ್ಯತೆಯಿದೆ ಎಂದು ವರದಿಗಳು ಹೇಳಿವೆ.

ವರದಿಗಳ ಪ್ರಕಾರ, ಆಸೀಸ್‌ ನಲ್ಲೂ ಭಾರತ ವಿಫ‌ಲ ವಾದರೆ ಮಾಜಿ ಕ್ರಿಕೆಟರ್‌ ವಿ.ವಿ.ಎಸ್‌. ಲಕ್ಷ್ಮಣ್‌ ಭಾರತ ಟೆಸ್ಟ್‌ ತಂಡಕ್ಕೆ ಕೋಚ್‌ ಆಗಿ ಆಯ್ಕೆಯಾಗುವ ಸಾಧ್ಯತೆಗಳಿವೆ.

ನ್ಯೂಜಿಲೆಂಡ್‌ ವಿರುದ್ಧ ಹೀನಾಯ ಸೋಲಿಗೆ ಸಂಬಂಧಿಸಿ ಶುಕ್ರವಾರವಷ್ಟೇ ಬಿಸಿಸಿಐ ಸಭೆ ಕರೆದು 6 ಗಂಟೆಗಳ ಕಾಲ ಚರ್ಚೆ ನಡೆಸಿತ್ತು. ನಾಯಕ ರೋಹಿತ್‌ ಶರ್ಮಾ, ಕೋಚ್‌ ಗಂಭೀರ್‌, ಆಯ್ಕೆದಾರ ಅಗರ್ಕರ್‌, ಬಿಸಿಸಿಐ ಅಧ್ಯಕ್ಷ ರೋಜರ್‌ ಬಿನ್ನಿ, ಮಾಜಿ ಕಾರ್ಯ ದರ್ಶಿ ಜಯ್‌ ಶಾ ಸಭೆ ಯಲ್ಲಿ ಪಾಲ್ಗೊಂಡಿದ್ದರು. ಇದರ ಬೆನ್ನಲ್ಲೇ ಈ ಬೆಳವಣಿಗೆಯಾಗಿದೆ ಎನ್ನಲಾಗಿದೆ.

ಭಾರತೀಯ ತಂಡಕ್ಕೆ ಗಂಭೀರ್‌ ಮುಖ್ಯ ಕೋಚ್‌ ಆಗಿ ಆಯ್ಕೆಯಾದ ಬಳಿಕ, ಭಾರತ ಶ್ರೀಲಂಕಾ ವಿರುದ್ಧ ಏಕದಿನ ಸರಣಿ ಸೋತಿತ್ತು. ಬಳಿಕ ತವರಿನಲ್ಲೇ ಕಿವೀಸ್‌ ವಿರುದ್ಧವೂ ಟೆಸ್ಟ್‌ ಸರಣಿ ಸೋತಿದೆ.