ಅಂಪಾಯರ್‌ಗೂ ಬೇಕಿದೆರೆಡ್‌ ಕಾರ್ಡ್‌: ವಕಾರ್‌

Team Udayavani, Oct 2, 2017, 6:25 AM IST

ಅಬುದಾಭಿ: ಕ್ರಿಕೆಟ್‌ ನಿಯಮಗಳು ಕೇವಲ ಆಟಗಾರರಿಗೆ ಮಾತ್ರ ಏಕೆ, ಕ್ರಿಕೆಟ್‌ ಅಧಿಕಾರಿಗಳಿಗೆ ಹಾಗೂ ಅಂಪಾಯರ್‌ಗಳಿಗೂ ಇದರ ಅಗತ್ಯವಿದೆ ಎಂದಿದ್ದಾರೆ ಪಾಕಿಸ್ಥಾನದ ಮಾಜಿ ವೇಗಿ ವಕಾರ್‌ ಯೂನಿಸ್‌.

ಪಾಕಿಸ್ಥಾನ-ಶ್ರೀಲಂಕಾ ನಡುವಿನ ಅಬುದಾಭಿ ಟೆಸ್ಟ್‌ ಪಂದ್ಯದ ವೇಳೆ ತಾನು ಲಂಕಾ ಆಟಗಾರನೊಬ್ಬನಿಗೆ ನೀಡಿದ ಎಲ್‌ಬಿಡಬ್ಲ್ಯು ತೀರ್ಪೊಂದು ಟೆಲಿವಿಷನ್‌ ಅಂಪಾಯರ್‌ ಮೂಲಕ ನಾಟೌಟ್‌ ಎಂದು ತೀರ್ಮಾನವಾದಾಗ ಅಂಪಾಯರ್‌ ರಿಚರ್ಡ್‌ ಕೆಟಲ್‌ಬರೋ ವರ್ತಿಸಿದ ರೀತಿಯನ್ನು ಉದಾಹರಿಸಿ ವಕಾರ್‌ ಇಂಥದೊಂದು ಹೇಳಿಕೆ ನೀಡಿದ್ದಾರೆ.

ಕೆಟಲ್‌ಬರೋ ಅವರೇನೋ ಮಾಮೂಲು ರೀತಿಯಲ್ಲಿ ತಮ್ಮ ತೀರ್ಪನ್ನು ವಾಪಸ್‌ ಪಡೆದರು. ಆದರೆ ಅದಕ್ಕೂ ಮುನ್ನ ಏನೋ ಹೇಳುತ್ತ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದರು. ಅಂಪಾಯರ್‌ಗಳು ಸಭ್ಯತೆಯ ಗೆರೆಯನ್ನು ದಾಟಿದಾಗ ಅವರಿಗೇಕೆ ರೆಡ್‌ ಕಾರ್ಡ್‌ ತೋರಿಸಬಾರದು ಎಂದು ವಕಾರ್‌ ಯೂನಿಸ್‌ ಟ್ವಿಟರ್‌ನಲ್ಲಿ ಪ್ರಶ್ನಿಸಿದ್ದಾರೆ.