ವಿವಾಹ ಬಂಧನಕ್ಕೊಳಗಾದ ವಿಂಡೀಸ್ ಆಟಗಾರ ನಿಕೋಲಸ್ ಪೂರನ್

Team Udayavani, Jun 1, 2021, 12:27 PM IST

ಟ್ರಿನಿಡಾಡ್: ಪಂಜಾಬ್ ಕಿಂಗ್ಸ್ ತಂಡದ ಆಟಗಾರ, ವೆಸ್ಟ್ ಇಂಡೀಸ್ ಸ್ಫೋಟಕ ಆಟಗಾರ ನಿಕೋಲಸ್ ಪೂರನ್ ಅವರು ತಮ್ಮ ಜೀವನದ ಸೆಕೆಂಡ್ ಇನ್ನಿಂಗ್ಸ್ ಗೆ ಕಾಲಿರಿಸಿದ್ದಾರೆ. ಪ್ರೇಯಸಿ ಅಲಿಸಾ ಮೆಗೈಲ್ ಜೊತೆ ಇಂದು ನಿಕೋಲಸ್ ಪೂರನ್ ವಿವಾಹವಾಗಿದ್ದಾರೆ.

ಈ ಬಗ್ಗೆ ನಿಕೋಲಸ್ ಪೂರನ್ ಸ್ವತಃ ಇನ್ಸ್ಟಾಗ್ರಾಮ್ ನಲ್ಲಿ ಬರೆದುಕೊಂಡಿದ್ದಾರೆ. “ ದೇವರು ನನಗೆ ಅನೇಕ ವಿಚಾರಗಳಲ್ಲಿ ಆಶೀರ್ವದಿಸಿದ್ದಾನೆ. ಆದರೆ ನಿನಗಿಂತ ಹೆಚ್ಚಿಗೆ ಯಾವುದೂ ಇಲ್ಲ” ಎಂದು ವಿಂಡೀಸ್ ಎಡಗೈ ಬ್ಯಾಟ್ಸಮನ್ ಬರೆದುಕೊಂಡಿದ್ದಾರೆ.

ಪಂಜಾಬ್ ಕಿಂಗ್ಸ್ ಫ್ರಾಂಚೈಸಿ ಪೂರನ್ ಗೆ ಶುಭ ಹಾರೈಸಿದೆ. “ ಈ ಸುಂದರ ಜೊತೆಯಾಟದ ಆರಂಭಕ್ಕೆ ಅಭಿನಂದನೆಗಳು. ಜೀವನಪೂರ್ತಿ ಸಂತೋಷವಾಗಿರಿ” ಎಂದು  ಟ್ವೀಟ್ ಮಾಡಿದೆ.

ಇದನ್ನೂ ಓದಿ:ಅಫ್ಘಾನಿಸ್ಥಾನ ತಂಡದ ನಾಯಕತ್ವದಿಂದ ಅಸ್ಗರ್ ಗೆ ಕೊಕ್: ಹೊಸ ನಾಯಕನ ನೇಮಕ

ಆಟಗಾರರಾದ ಫ್ಯಾಬಿಯನ್ ಅಲೆನ್, ಮಂದೀಪ್ ಸಿಂಗ್, ಡೇವಿಡ್ ವಾರ್ನರ್, ಕ್ರಿಸ್ ಜೋರ್ಡನ್, ಜಿಮ್ಮಿ ನೀಶಮ್ ಮುಂತಾದವರು  ನಿಕೋಲಸ್ ದಂಪತಿಗೆ ಶುಭ ಹಾರೈಸಿದ್ದಾರೆ.

Jesus has blessed me with many things in this life. None greater than having you in my life.
Welcoming Mr. and Mrs. Pooran ❤️ pic.twitter.com/dDzSX8zdSA

— NickyP (@nicholas_47) June 1, 2021