ಪಾಕ್‌ ವನಿತೆಯರಿಗೆ ಸೋಲು

Team Udayavani, Feb 1, 2019, 12:30 AM IST

ಕರಾಚಿ: ಪ್ರವಾಸಿ ವೆಸ್ಟ್‌ ಇಂಡೀಸ್‌ ವಿರುದ್ಧ ನಡೆದ ಮೊದಲ ಟಿ20 ಪಂದ್ಯದಲ್ಲಿ ಪಾಕಿಸ್ಥಾನದ ವನಿತೆಯರಿಗೆ 71 ರನ್ನುಗಳ ಸೋಲು ಎದುರಾಗಿದೆ.

ಗುರುವಾರ ಕರಾಚಿಯಲ್ಲಿ ನಡೆದ ಮುಖಾಮುಖೀಯಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ವೆಸ್ಟ್‌ ಇಂಡೀಸ್‌ ಕೇವಲ 2 ವಿಕೆಟ್‌ ನಷ್ಟಕ್ಕೆ 160 ರನ್‌ ಪೇರಿಸಿ ಸವಾಲೊಡ್ಡಿತು. ಜವಾಬಿತ್ತ ಪಾಕಿಸ್ಥಾನ 18 ಓವರ್‌ಗಳಲ್ಲಿ 89 ರನ್ನಿಗೆ ಆಲೌಟ್‌ ಆಯಿತು.
ವಿಂಡೀಸ್‌ ಪರ ಡಿಯಾಂಡ್ರ ಡೊಟಿನ್‌ ಆಕ್ರಮಣಕಾರಿ ಬೀಸುಗೆಯಲ್ಲಿ ಅಜೇಯ 90 ರನ್‌ ಸಿಡಿಸಿದರು (60 ಎಸೆತ, 8 ಬೌಂಡರಿ, 4 ಸಿಕ್ಸರ್‌). ಶೆಡೀನ್‌ ನೇಶನ್‌ ಔಟಾಗದೆ 50 ರನ್‌ ಬಾರಿಸಿದರು (35 ಎಸೆತ, 4 ಬೌಂಡರಿ, 2 ಸಿಕ್ಸರ್‌). ಪಾಕ್‌ ಪರ 38 ರನ್‌ ಮಾಡಿದ ನಾಯಕಿ ಬಿಸ್ಮಾ ಮರೂಫ್ ಅವರದೇ ಹೆಚ್ಚಿನ ಗಳಿಕೆ.

ಸಂಕ್ಷಿಪ್ತ ಸ್ಕೋರ್‌: ವೆಸ್ಟ್‌ ಇಂಡೀಸ್‌-20 ಓವರ್‌ಗಳಲ್ಲಿ 2 ವಿಕೆಟಿಗೆ 160 (ಡೊಟಿನ್‌ ಔಟಾಗದೆ 90, ನೇಶನ್‌ ಔಟಾಗದೆ 50). ಪಾಕಿಸ್ಥಾನ-18 ಓವರ್‌ಗಳಲ್ಲಿ 89 (ಬಿಸ್ಮಾ 38. ಜವೇರಿಯಾ 19, ಕೊನೆಲ್‌ 29ಕ್ಕೆ 3, ಸೆಲ್ಮಾನ್‌ 8ಕ್ಕೆ 2).