ವಿಂಬಲ್ಡನ್: ಸೆಮಿ-ಫೈನಲ್ ಹಣಾಹಣಿಯಿಂದ ಹೊರಬಂದ ನಡಾಲ್‌

Team Udayavani, Jul 8, 2022, 4:43 PM IST

ಲಂಡನ್‌ : ವಿಂಬಲ್ಡನ್ ಕ್ವಾರ್ಟರ್‌ ಫೈನಲ್‌ ಹಣಾಹಣಿಯನ್ನು 5 ಸೆಟ್‌ಗಳಲ್ಲಿ ಕಷ್ಟಪಟ್ಟು ಗೆದ್ದ ಸ್ಪೇನ್‌ನ ಟೆನಿಸ್ ದಿಗ್ಗಜ ರಫೆಲ್‌ ನಡಾಲ್‌ ಶುಕ್ರವಾರ ಆಸ್ಟ್ರೇ ಲಿಯದ ನಿಕ್‌ ಕಿರ್ಗಿಯೋಸ್‌ ವಿರು ದ್ಧದ ಸೆಮಿಫೈನಲ್‌ ಪಂದ್ಯದಿಂದ ಹಿಂದೆ ಸರಿದಿದ್ದಾರೆ. ಕಿಬ್ಬೊಟ್ಟೆಯ ಒತ್ತಡದಿಂದ ನಡಾಲ್‌ ತನ್ನ ಬಹು ನಿರೀಕ್ಷಿತ ವಿಂಬಲ್ಡನ್ ಸೆಮಿ-ಫೈನಲ್ ಹಣಾಹಣಿಯಿಂದ ಹೊರಬಂದಿದ್ದಾರೆ.

ಅಮೆರಿಕದ 11ನೇ ಶ್ರೇಯಾಂಕದ ಆಟಗಾರ ಟೇಲರ್‌ ಎದುರಿನ ಕ್ವಾರ್ಟರ್‌ ಫೈನಲ್‌ ಸ್ಪರ್ಧೆಯ ವೇಳೆ ರಫೆಲ್‌ ನಡಾಲ್‌ ಈ ಸಮಸ್ಯೆಯಿಂದ ಬಹಳ ತೊಂದರೆ ಅನುಭವಿಸಿದರು. ದ್ವಿತೀಯ ಸೆಟ್‌ ವೇಳೆ “ಮೆಡಿಕಲ್‌ ಟೈಮ್‌ಔಟ್‌’ ಕೂಡ ಪಡೆದುಕೊಂಡಿದ್ದರು. ಆದರೂ ನಡಾಲ್‌ 5 ಸೆಟ್‌ಗಳ ಹೋರಾಟವನ್ನು ಯಶಸ್ವಿಯಾಗಿಯೇ ಮುಗಿಸಿದ್ದರು.

ಪುರುಷರ ದಾಖಲೆಯ 22 ಗ್ರ್ಯಾಂಡ್ ಸ್ಲಾಮ್ ಪ್ರಶಸ್ತಿಗಳ ವಿಜೇತ ನಡಾಲ್ “ನನ್ನ ವೃತ್ತಿಜೀವನದಲ್ಲಿ ನಾನು ತುಂಬಾ ಕಠಿಣ ಪರಿಸ್ಥಿತಿಗಳಲ್ಲಿ ಮುಂದುವರಿಯಲು ಸಾಕಷ್ಟು ಬಾರಿ ಪ್ರಯತ್ನಿಸಿದರೂ ಸಹ, ನಾನು ಮುಂದುವರಿಸಿದರೆ ಆರೋಗ್ಯ ಕೆಟ್ಟದಾಗಿರುತ್ತದೆ. ಇದನ್ನು ಹೇಳಲು ನನಗೆ ತುಂಬಾ ದುಃಖವಾಗುತ್ತಿದೆ” ಎಂದು ಹೇಳಿದರು.

“ಈ ಪರಿಸ್ಥಿತಿಯಲ್ಲಿ ನಾನು ಎರಡು ಪಂದ್ಯಗಳನ್ನು ಗೆಲ್ಲಲು ಸಾಧ್ಯವಿಲ್ಲ ಎಂಬ ನಂಬಿಕೆಯಿಂದ ನಾನು ನನ್ನ ನಿರ್ಧಾರವನ್ನು ತೆಗೆದುಕೊಂಡಿದ್ದೇನೆ. ನಾನು ಸೇವೆ ಸಲ್ಲಿಸಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.