ವನಿತಾ ಚಾಲೆಂಜರ್‌ ಟ್ರೋಫಿ ಕ್ರಿಕೆಟ್‌: ಶಿಖಾ, ಪೂನಂ, ಮೋನಾ ನಾಯಕಿಯರು

Team Udayavani, Dec 23, 2018, 6:00 AM IST

ಹೊಸದಿಲ್ಲಿ: ಜನವರಿ ಮೂರರಿಂದ ಆಂಧ್ರಪ್ರದೇಶದ ಮುಲಪುಡುವಿನಲ್ಲಿ ನಡೆಯುವ ವನಿತಾ ಏಕದಿನ ಚಾಲೆಂಜರ್‌ ಟ್ರೋಫಿ ಕ್ರಿಕೆಟ್‌ ಸರಣಿಗಾಗಿ 3 ತಂಡಗಳನ್ನು ಪ್ರಕಟಿಸಲಾಗಿದೆ.

ಇಂಡಿಯಾ ರೆಡ್‌, ಇಂಡಿಯಾ ಬ್ಲೂ ಹಾಗೂ ಇಂಡಿಯಾ ಗ್ರೀನ್‌ ಹೆಸರಿನ ಈ ತಂಡಗಳನ್ನು ಕ್ರಮವಾಗಿ ಶಿಖಾ ಪಾಂಡೆ, ಪೂನಂ ರಾವತ್‌ ಮತ್ತು ಮೋನಾ ಮೆಶ್ರಮ್‌ ಮುನ್ನಡೆಸಲಿದ್ದಾರೆ. ಭಾರತದ ರಾಷ್ಟ್ರೀಯ ತಂಡದ ಪ್ರಮುಖ ಆಟಗಾರ್ತಿಯರಾದ ಮಿಥಾಲಿ ರಾಜ್‌, ಜೂಲನ್‌ ಗೋಸ್ವಾಮಿ, ಜೆಮಿಮಾ ರೋಡ್ರಿಗಸ್‌, ತನಿಯಾ ಭಾಟಿಯ, ಏಕ್ತಾ ಬಿಷ್ಟ್, ರಾಜೇಶ್ವರಿ ಗಾಯಕ್ವಾಡ್‌ ಅವರೆಲ್ಲ ಈ ಸರಣಿಯಿಂದ ದೂರ ಉಳಿಯಲಿದ್ದಾರೆ. ಬಿಗ್‌ ಬಾಶ್‌ನಲ್ಲಿ ಆಡುತ್ತಿರುವ ಹರ್ಮನ್‌ಪ್ರೀತ್‌ ಕೌರ್‌, ಸ್ಮತಿ ಮಂಧನಾ ಕೂಡ ಹೊರಗುಳಿಯುವರು.

ನ್ಯೂಜಿಲ್ಯಾಂಡ್‌ ಪ್ರವಾಸ ಕೈಗೊಳ್ಳಲಿರುವ ಭಾರತ ತಂಡದಲ್ಲಿ ಅವಕಾಶ ಪಡೆಯದ ವೇದಾ ಕೃಷ್ಣಮೂರ್ತಿ “ಇಂಡಿಯಾ ರೆಡ್‌’ ತಂಡದಲ್ಲಿ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.

ತಂಡಗಳು
ಇಂಡಿಯಾ ರೆಡ್‌: ಶಿಖಾ ಪಾಂಡೆ (ನಾಯಕಿ), ಎನ್‌. ಅನುಷಾ, ಶಿವಿ ಪಾಂಡೆ, ವೇದಾ ಕೃಷ್ಣಮೂರ್ತಿ, ವೃಶಾಲಿ ಭಗತ್‌, ಜಾಸಿಯಾ ಅಖ್ತರ್‌, ಜಾನ್ಸಿ ಲಕ್ಷ್ಮೀ, ಕೋಮಲಾ ಝಂಜಾದ್‌, ಶಾಂತಿ ಕುಮಾರಿ, ರಾಧಾ ಯಾದವ್‌, ಹಲೀìನ್‌ ಡಿಯೋಲ್‌, ಆರ್‌. ಕಲ್ಪನಾ, ತರುನ್ನಮ್‌ ಪಠಾಣ್‌.

ಇಂಡಿಯಾ ಬ್ಲೂ: ಪೂನಂ ರಾವತ್‌ (ನಾಯಕಿ), ಪ್ರಿಯಾ ಪೂನಿಯ, ತನುಶ್ರೀ ಸರ್ಕಾರ್‌, ಭಾರತಿ ಫ‌ುಲ್ಮಾಲಿ, ಅದಿತಿ ಶರ್ಮ, ತಮನ್ನಾ ನಿಗಂ, ಮಾನ್ಸಿ ಜೋಶಿ, ರೀಮಾ ಲಕ್ಷ್ಮೀ ಎಕ್ಕಾ, ಮನಾಲಿ ದಕ್ಷಿಣಿ, ತನುಜಾ ಕನ್ವರ್‌, ಜಿ. ತೃಷಾ, ಸುಷ್ಮಾ ವರ್ಮ, ಮಿನ್ನು ಮಣಿ.

ಇಂಡಿಯಾ ಗ್ರೀನ್‌: ಮೋನಾ ಮೆಶ್ರಮ್‌ (ನಾಯಕಿ), ಡಿ. ಹೇಮಲತಾ, ಶೆಫಾಲಿ ವರ್ಮ, ತೇಜಲ್‌ ಹಸಬಿ°ಸ್‌, ಅನಿತಾ ಲೋಧಿ, ಸ್ನೇಹಾ ರಾಣ, ಅರುಂಧತಿ ರೆಡ್ಡಿ, ರೇಣುಕಾ ಸಿಂಗ್‌, ಶುಭಲಕ್ಷ್ಮೀ, ದೇವಯಾನಿ ಪ್ರಸಾದ್‌, ಎಸ್‌.ಬಿ. ಕೀರ್ತನಾ, ಶ್ವೇತಾ ವರ್ಮ, ಸುಶ್ರೀ ದಿವ್ಯದರ್ಶಿನಿ.