Women’s T20 ವಿಶ್ವಕಪ್‌: ಯುಎಇ ಬದಲಿ ತಾಣ?

Team Udayavani, Aug 17, 2024, 6:30 AM IST

ದುಬಾೖ: ಬಾಂಗ್ಲಾದೇಶದಲ್ಲಿ ಭುಗಿಲೆದ್ದಿರುವ ವಿದ್ಯಾರ್ಥಿ ದಂಗೆಯಿಂದಾಗಿ ವನಿತಾ ಟಿ20 ವಿಶ್ವಕಪ್‌ ಕ್ರಿಕೆಟ್‌ ಪಂದ್ಯಾವಳಿಯ ಆತಿಥ್ಯ ತೂಗುಯ್ನಾಲೆಯಲ್ಲಿ ಸಿಲುಕಿದೆ. ಭಾರತ ಕೂಡ ಆತಿಥ್ಯದಿಂದ ಹಿಂದೆ ಸರಿದದ್ದು ಮತ್ತೂಂದು ಬೆಳವಣಿಗೆ. ಬಳಿಕ ಯುಎಇ ಮುನ್ನೆಲೆಗೆ ಬಂದಿದೆ. ಆದರೆ ಬಾಂಗ್ಲಾದೇಶ ಕ್ರಿಕೆಟ್‌ ಮಂಡಳಿ (ಬಿಸಿಬಿ) ಮಾತ್ರ ಆಶಾವಾದದಿಂದಿದ್ದು, ಸೂಕ್ತ ನಿರ್ಧಾರಕ್ಕೆ ಬರಲು ಇನ್ನಷ್ಟು ಸಮಯಾವಕಾಶ ಕೇಳಿದೆ.

ದುಬಾೖ ಹಾಗೂ ಅಬುಧಾಬಿ ಟಿ20 ವಿಶ್ವಕಪ್‌ ಆಯೋಜನೆಗೆ ಸೂಕ್ತ ಬದಲಿ ತಾಣವಾದೀತೆಂಬುದು ಐಸಿಸಿಯ ಸದ್ಯದ ಲೆಕ್ಕಾಚಾರ. ಆ. 20ರಂದು ನಡೆಯಲಿರುವ ಆನ್‌ಲೈನ್‌ ಸಭೆಯಲ್ಲಿ ಅಂತಿಮ ನಿರ್ಧಾರ ಪ್ರಕಟಗೊಳ್ಳುವ ಸಾಧ್ಯತೆ ಇದೆ.

ಈ ನಡುವೆ ಬಿಸಿಬಿ, ಐಸಿಸಿ ಬಳಿ 5 ದಿನಗಳ ಕಾಲಾವಕಾಶ ಕೇಳಿದೆ. ಅದರಂತೆ, ಆ. 20ರಂದು, ಅಂದರೆ ಐಸಿಸಿ ಸಭೆಯ ದಿನವೇ ಬಿಸಿಬಿಯ ನಿರ್ಧಾರ ಅಂತಿಮಗೊಳ್ಳಲಿದೆ. ಐಸಿಸಿಯ ಹಿಂದಿನ ಸೂಚನೆಯಂತೆ ಬಿಸಿಬಿ ಆ. 15ರ ಒಳಗೆ ವಿಶ್ವಕಪ್‌ ಆತಿಥ್ಯದ ಕುರಿತು ತನ್ನ ನಿಲುವನ್ನು ಪ್ರಕಟಿಸಬೇಕಿತ್ತು.