ಗೆಲ್ಲಲೇಬೇಕಿದ್ದ ಪಂದ್ಯದಲ್ಲಿ ಭಾರತಕ್ಕೆ ಸೋಲಿನ ಅವಮಾನ

Team Udayavani, Jul 27, 2018, 6:00 AM IST

ಲಂಡನ್‌: ಇಲ್ಲಿ ಗುರುವಾರ ನಡೆದ ಮಹಿಳಾ ವಿಶ್ವಕಪ್‌ ಹಾಕಿ ಪಂದ್ಯದಲ್ಲಿ ಭಾರತ, ಐರೆಲಂಡ್‌ ವಿರುದ್ಧ ಸೋತು ಹೋಗಿದೆ. ಕ್ವಾರ್ಟರ್‌ ಫೈನಲ್‌ ಸ್ಥಾನ ಖಾತ್ರಿ ಮಾಡಿಕೊಳ್ಳಲು ಗೆಲ್ಲಲೇಬೇಕಿದ್ದ ಪಂದ್ಯದಲ್ಲಿ ಭಾರತ ಸೋತುಹೋಗಿದೆ. ಅದು ಅಮೆರಿಕ ವಿರುದ್ಧ ಇನ್ನುಳಿದ ಒಂದು ಪಂದ್ಯ ಗೆದ್ದರೂ ಮುಂದಿನ ಸುತ್ತಿಗೇರುವುದು ಕಷ್ಟವಿದೆ.

ಇದಕ್ಕೆ ಪ್ರತಿಯಾಗಿ ಐರೆಲಂಡ್‌ ಸತತ 2 ಜಯದೊಂದಿಗೆ 6 ಅಂಕಗಳಿಸಿ ಕ್ವಾರ್ಟರ್‌ಫೈನಲ್‌ ಗೇರಿದೆ. ಇನ್ನುಳಿದ ಒಂದು ಸ್ಥಾನಕ್ಕಾಗಿ ತೀವ್ರ ಪೈಪೋಟಿಯಿದೆ. ಭಾರತ ಈ ಪಂದ್ಯದಲ್ಲಿ ಗುರಿ ಮತ್ತು ಸ್ಪಷ್ಟತೆ ಇಲ್ಲದೇ ಆಡಿದಂತಿತ್ತು. 7 ಬಾರಿ ಪೆನಾಲ್ಟಿ ಕಾರ್ನರ್‌ ಅವಕಾಶ ಸಿಕ್ಕಿದರೂ ಒಮ್ಮೆಯೂ ಗೋಲು ಬಾರಿಸಲಿಲ್ಲ. ಬದಲಿಗೆ ಐರೆಲಂಡ್‌ ತನಗೆ ಸಿಕ್ಕ 3 ಅವಕಾಶಗಳಲ್ಲಿ ಒಂದನ್ನು ಗೋಲಾಗಿಸಿತು. ತನಗಿಂತ ಕಡಿಮೆ ಶ್ರೇಯಾಂಕದ ತಂಡದೆದುರು ಸೋತ ಭಾರತ ತೀವ್ರ ಮುಜುಗರಕ್ಕೆ ಸಿಲುಕಿದೆ.