ವಿಶ್ವಕಪ್‌ ಹಿನ್ನೆಲೆ: ಐಪಿಎಲ್‌ ಬೇಗ ಆರಂಭ?

Team Udayavani, Nov 11, 2018, 6:35 AM IST

ಮುಂಬಯಿ: ಮುಂದಿನ ವರ್ಷ ಮೇ 30ರಿಂದ ಏಕದಿನ ವಿಶ್ವಕಪ್‌ ಕ್ರಿಕೆಟ್‌ ಪಂದ್ಯಾವಳಿ ಆರಂಭವಾಗುವುದರಿಂದ ಐಪಿಎಲ್‌ ಕೂಟವನ್ನು ಕೆಲವು ದಿನ ಮುಂಚೆಯೇ ಪ್ರಾರಂಭಿಸುವ ಬಗ್ಗೆ ಬಿಸಿಸಿಐ ಗಂಭೀರ ಚಿಂತನೆ ನಡೆಸಿದೆ.

ಐಪಿಎಲ್‌ನಲ್ಲಿ ಆಡಿ ಕೇವಲ ಹತ್ತೇ ದಿನದಲ್ಲಿ ಭಾರತ ವಿಶ್ವಕಪ್‌ನಲ್ಲಿ ಪಾಲ್ಗೊಳ್ಳಬೇಕಾಗುತ್ತದೆ. ಆದ್ದರಿಂದ ವಿಶ್ರಾಂತಿಯಿಲ್ಲದೇ ಆಡುವ ಇಕ್ಕಟ್ಟಿಗೆ ಆಟಗಾರರು ಸಿಕ್ಕುತ್ತಾರೆ. ಇದನ್ನು ತಪ್ಪಿಸಲು ಬಿಸಿಸಿಐ ಹೀಗೆ ಚಿಂತಿಸಿದೆ.

ಇತ್ತೀಚೆಗೆ ನಡೆದ ಸಭೆಯಲ್ಲಿ ಬುಮ್ರಾ, ಭುವನೇಶ್ವರ್‌ರಂತಹ ವೇಗಿಗಳಿಗೆ ಐಪಿಎಲ್‌ನಿಂದ ಪೂರ್ಣ ವಿಶ್ರಾಂತಿ ನೀಡುವಂತೆ ವಿರಾಟ್‌ ಕೊಹ್ಲಿ ಸಲಹೆ ನೀಡಿದ್ದರು. ಇದು ಫ್ರಾಂಚೈಸಿಗಳಿಗೆ ಒಪ್ಪಿಗೆಯಾಗಿರಲಿಲ್ಲ. ಆದ್ದರಿಂದ ಐಪಿಎಲ್‌ ಪಂದ್ಯಾವಳಿನ್ನೇ ಮುಂಚಿತವಾಗಿ ನಡೆಸುವುದು ಬಿಸಿಸಿಐ ಲೆಕ್ಕಾಚಾರವಾಗಿದೆ.