WPL ಹರಾಜು 30 ಸ್ಥಾನಗಳಿಗೆ 165 ಆಟಗಾರ್ತಿಯರು!

Team Udayavani, Dec 2, 2023, 11:46 PM IST

ಮುಂಬಯಿ: ಇದೇ ತಿಂಗಳ 9ರಂದು ಮುಂಬಯಿಯಲ್ಲಿ ಮಹಿಳಾ ಪ್ರೀಮಿಯರ್‌ ಲೀಗ್‌ ಟಿ20ಗಾಗಿ ಹರಾಜು ಪ್ರಕ್ರಿಯೆ ನಡೆಯಲಿದೆ. 165 ಆಟಗಾರ್ತಿಯರು ಹೆಸರು ಹರಾಜಿನಲ್ಲಿ ಕಾಣಿಸಿಕೊಳ್ಳಲಿದೆ. ಆದರೆ ಆಯ್ಕೆ ಗೊಳ್ಳುವವರು 30 ಮಂದಿ ಮಾತ್ರ. ಮುಂದಿನ ಫೆಬ್ರವರಿ-ಮಾರ್ಚ್‌ನಲ್ಲಿ 2ನೇ ಆವೃತ್ತಿಯ ಡಬ್ಲ್ಯುಪಿಎಲ್‌ ನಡೆಯಲಿದೆ.

ಹರಾಜು ಪಟ್ಟಿಯಲ್ಲಿರುವ 165 ಆಟಗಾರ್ತಿಯರಲ್ಲಿ 104 ಮಂದಿ ಭಾರತೀಯರು, 61 ಮಂದಿ ವಿದೇಶಿ ಯರು. ಇದರಲ್ಲಿ 15 ಮಂದಿ ಸಹ ಸದಸ್ಯ ದೇಶಗಳಿಗೆ ಸೇರಿದ ಆಟಗಾರ್ತಿ ಯರಿದ್ದಾರೆ ಎಂದು ಬಿಸಿಸಿಐ ತಿಳಿಸಿದೆ.

ಆಯ್ಕೆಯಲ್ಲಿ 9 ಮಂದಿ ವಿದೇಶಿಯ ರಿಗೆ ಸ್ಥಾನ ಸಿಗಲಿದೆ. ವೆಸ್ಟ್‌ ಇಂಡೀಸ್‌ನ ಡಿಯಾಂಡ್ರಾ ಡಾಟಿನ್‌, ಆಸ್ಟ್ರೇಲಿಯದ ವೇಗದ ಬೌಲರ್‌ ಕಿಮ್‌ ಗಾರ್ಥ್ 50 ಲಕ್ಷ ರೂ. ಮೂಲಬೆಲೆಯಲ್ಲಿ ಸ್ಥಾನ ಪಡೆದಿದ್ದಾರೆ.