INDvsENG; ವಿಶಾಖಪಟ್ಟಣದಲ್ಲಿ ಜೈಸ್ವಾಲ್ ಯಶಸ್ವಿ ಡಬಲ್ ಸೆಂಚುರಿ

Team Udayavani, Feb 3, 2024, 10:37 AM IST

Yashaswi Jaiswal scored his maiden double century

ವಿಶಾಖಪಟ್ಟಣ: ಇಂಗ್ಲೆಂಡ್ ವಿರುದ್ಧದ ದ್ವಿತೀಯ ಟೆಸ್ಟ್ ಪಂದ್ಯದ ಮೊದಲ ದಿನದಾಟದಲ್ಲಿ ಶತಕ ಸಿಡಿಸಿ ಅಜೇಯರಾಗಿ ಉಳಿದಿದ್ದ ಭಾರತದ ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ ಇಂದು ದ್ವಿಶತಕ ಪೂರೈಸಿದ್ದಾರೆ. ತಮ್ಮ ಟೆಸ್ಟ್ ವೃತ್ತಿ ಜೀವನದ ದ್ವಿತೀಯ ಶತಕವನ್ನು ಜೈಸ್ವಾಲ್ ಪ್ರಥಮ ದ್ವಿಶತಕವಾಗಿ ಮಾರ್ಪಾಡು ಮಾಡಿದರು.

ಜೈಸ್ವಾಲ್ ಮೊದಲ ದಿನದಾಟದ ಅಂತ್ಯಕ್ಕೆ 179 ರನ್ ಗಳಿಸಿ ಅಜೇಯರಾಗಿದ್ದರು. ಇಂದು ಅದೇ ಫಾರ್ಮ್ ಮುಂದುವರಿಸಿದ ಅವರು 277 ಎಸೆತಗಳಲ್ಲಿ ಇನ್ನೂರರ ಗಡಿ ದಾಟಿದರು. ಸಿಕ್ಸರ್ ಮೂಲಕ ಶತಕ ಪೂರೈಸಿದ್ದ ಎಡಗೈ ಬ್ಯಾಟರ್, ಸತತ ಸಿಕ್ಸರ್ ಮತ್ತು ಫೋರ್ ಮೂಲಕ ದ್ವಿಶತಕ ಪೂರೈಸಿದರು.

290 ಎಸೆತಗಳಲ್ಲಿ 209 ರನ್ ಗಳಿಸಿದ್ದ ವೇಳೆ ಜೈಸ್ವಾಲ್ ಅವರು ವೇಗಿ ಜೇಮ್ಸ್ ಆ್ಯಂಡರ್ಸನ್ ಎಸೆತಕ್ಕೆ ಬಲಿಯಾದರು. ಈ ಇನ್ನಿಂಗ್ಸ್ ನಲ್ಲಿ ಅವರು 17 ಬೌಂಡರಿ ಮತ್ತು ಏಳು ಸಿಕ್ಸರ್ ಬಾರಿಸಿದರು. ಈ ವೇಳೆ ಭಾರತ 106.5 ಓವರ್ ಗಳಲ್ಲಿ ಎಂಟು ವಿಕೆಟ್ ನಷ್ಟಕ್ಕೆ 383 ರನ್ ಗಳಿಸಿದೆ.

ಯಶಸ್ವಿ ದಾಖಲೆಗಳು

ಟೆಸ್ಟ್‌ನಲ್ಲಿ ಭಾರತದ ಪರ 200 ರನ್ ಗಳಿಸಿದ ಕಿರಿಯ ಆಟಗಾರ

21 ವ 35 ದಿನ: ವಿನೋದ್ ಕಾಂಬ್ಲಿ 224 vs ಇಂಗ್ಲೆಂಡ್ ಮುಂಬೈ 1993

21ವ 55 ದಿನ ವಿನೋದ್ ಕಾಂಬ್ಲಿ 227 vs ಜಿಂಬಾಬ್ವೆ ಡೆಲ್ಲಿ 1993

21ವ 283 ದಿನ ಸುನಿಲ್ ಗವಾಸ್ಕರ್ 220 vs ವೆಸ್ಟ್ ಇಂಡಿಸ್ ಪೋರ್ಟ್ ಆಫ್ ಸ್ಪೇನ್ 1971

22ವ 37ದಿನ ಯಶಸ್ವಿ ಜೈಸ್ವಾಲ್ 209 vs ಇಂಗ್ಲೆಂಡ್ ವೈಜಾಗ್ 2024

ಟೆಸ್ಟ್‌ ನಲ್ಲಿ ಭಾರತದ ಪರ ಎಡಗೈ ಬ್ಯಾಟರ್‌ಗಳಿಂದ ದ್ವಿಶತಕ

239 ಸೌರವ್ ಗಂಗೂಲಿ vs ಪಾಕ್ ಬೆಂಗಳೂರು 2007

227 ವಿನೋದ್ ಕಾಂಬ್ಲಿ vs ಜಿಂಬಾಬ್ವೆ ಡೆಲ್ಲಿ 1993

224 ವಿನೋದ್ ಕಾಂಬ್ಲಿ vs ಇಂಗ್ಲೆಂಡ್ ಮುಂಬೈ 1993

206 ಗೌತಮ್ ಗಂಭೀರ್ vs ಆಸ್ ದೆಹಲಿ 2006

209 ವೈ ಜೈಸ್ವಾಲ್ vs ಇಂಗ್ಲೆಂಡ್ ವೈಜಾಗ್ 2024