ರವಿ ಅಶ್ವಿನ್ ಜತೆಗಿನ ಒಪ್ಪಂದ ಅಂತ್ಯಗೊಳಿಸಿದ ಯಾರ್ಕ್‌ಶೈರ್‌

Team Udayavani, Apr 30, 2020, 4:15 PM IST

ನವದೆಹಲಿ: ಖ್ಯಾತ ಸ್ಪಿನ್ನರ್‌ ರವಿಚಂದ್ರನ್ ಅಶ್ವಿ‌ನ್‌ ಅವರ ಯಾರ್ಕ್‌ಶೈರ್‌ ಪರ ಒಪ್ಪಂದ ಕಡಿದುಕೊಳ್ಳಲಾಗಿದೆ. ಪರಸ್ಪರ ಒಪ್ಪಿಗೆಯಿಂದ ಒಪ್ಪಂದವನ್ನು ಅಂತ್ಯಗೊಳಿಸಿದ್ದೇವೆ ಎಂದು ಯಾರ್ಕ್‌ಶೈರ್‌ ಹೇಳಿಕೊಂಡಿದೆ.

ಯಾರ್ಕ್‌ಶೈರ್‌‌ ಪರ ಒಪ್ಪಂದ ಮಾಡಿಕೊಂಡಿದ್ದ ದಕ್ಷಿಣ ಆಫ್ರಿಕಾದ ಕೇಶವ್‌ ಮಹಾರಾಜ್‌, ವೆಸ್ಟ್‌ ಇಂಡೀಸ್‌ನ ನಿಕೋಲಸ್ ಪೂರನ್‌ ಒಪ್ಪಂದವೂ ಕಡಿದುಕೊಳ್ಳಲಾಗಿದೆ.

ಈ ಬಗ್ಗೆ ಮಾತನಾಡಿದ ಯಾರ್ಕ್‌ಶೈರ್‌ ನಿರ್ದೇಶಕ ಮಾರ್ಟಿನ್‌ ಮೊಕ್ಸೋನ್‌, “ಕೋವಿಡ್-19 ಸೋಂಕಿನಿಂದಾಗಿ ಇಂಗ್ಲೆಂಡ್‌ನ‌ಲ್ಲಿ ಜು.1ರ ತನಕ ಎಲ್ಲ ಕ್ರಿಕೆಟ್‌ ಚಟುವಟಿಕೆಗಳು ನಿಂತುಹೋಗಿದೆ. ಆರ್ಥಿಕ ಹೊರೆ ಬೀಳುವ ಇಂತಹ ಸಮಯದಲ್ಲಿ ನಮ್ಮ ಆಟಗಾರರು ಪರಿಸ್ಥಿತಿ ಅರ್ಥ ಮಾಡಿಕೊಂಡಿರುವುದು ನಿಜಕ್ಕೂ ಶ್ಲಾಘನಾರ್ಹ ವಿಷಯ’ ಎಂದು ತಿಳಿಸಿದರು.

ರವಿಚಂದ್ರನ್ ಅಶ್ವಿನ್ ಈ ಹಿಂದೆ ನಾಟಿಂಗ್ ಹ್ಯಾಮ್ ಶೈರ್ ತಂಡದ ಪರವಾಗಿ ಆಡಿದ್ದರು.