ಕೋವಿಡ್ : ರಾಜ್ಯದಲ್ಲಿಂದು 42444 ಜನ ಗುಣಮುಖ; 20628 ಹೊಸ ಪ್ರಕರಣ ಪತ್ತೆ

Team Udayavani, May 29, 2021, 7:53 PM IST

ಬೆಂಗಳೂರು :  ಕಟ್ಟುನಿಟ್ಟಿನ ಲಾಕ್ ಡೌನ್ ಘೋಷಣೆಯಾದಾಗಿನಿಂದ ರಾಜ್ಯದಲ್ಲಿ ಕೋವಿಡ್ ಹೊಸ ಪ್ರಕರಣಗಳ ಸಂಖ್ಯೆ ಇಳಿಮುಖವಾಗುತ್ತಿವೆ. ಇಂದು 20628 ಕೋವಿಡ್ ಹೊಸ ಪ್ರಕರಣಗಳು ಪತ್ತೆಯಾಗಿವೆ.

ಇಂದು ( ಮೇ.29) ಕರ್ನಾಟಕ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಬಿಡುಗಡೆ ಮಾಡಿರುವ ವರದಿಗಳ ಪ್ರಕಾರ ಕಳೆದ 24 ಗಂಟೆಗಳ ( ದಿನಾಂಕ: 28.05.2021, 00:00 ರಿಂದ 23:59 ರವರೆಗೆ) ಅವಧಿಯಲ್ಲಿ ರಾಜ್ಯದಲ್ಲಿ 20628 ಜನರಿಗೆ ಕೋವಿಡ್ ಪಾಸಿಟಿವ್ ಸೋಂಕು ದೃಢ ಪಟ್ಟಿದೆ. ಹಾಗೂ 492 ಜನರು ಸಾವನ್ನಪ್ಪಿದ್ದಾರೆ. ಇದೆ ಅವಧಿಯಲ್ಲಿ 42444 ಜನರು ಸೋಂಕಿನಿಂದ ಗುಣಮುಖರಾಗಿ ಮನೆಗೆ ತೆರಳಿರುವುದು ನೆಮ್ಮದಿದಾಯಕ ಸಂಗತಿಯಾಗಿದೆ.

ಜಿಲ್ಲಾವಾರು ಪ್ರಕರಣಗಳ ಸಂಖ್ಯೆ :

ಬಾಗಲಕೋಟೆ-166, ಬಳ್ಳಾರಿ-671, ಬೆಳಗಾವಿ-1027, ಬೆಂಗಳೂರು ಗ್ರಾಮಾಂತರ-557,  ಬೆಂಗಳೂರು ನಗರ-4889, ಬೀದರ್-42, ಚಾಮರಾಜನಗರ-365,  ಚಿಕ್ಕಬಳ್ಳಾಪುರ-434, ಚಿಕ್ಕಮಗಳೂರು-843, ಚಿತ್ರದುರ್ಗ-763, ದಕ್ಷಿಣ ಕನ್ನಡ-923, ದಾವಣಗೆರೆ-449, ಧಾರವಾಡ-519, ಗದಗ-307, ಹಾಸನ-1024, ಹಾವೇರಿ-194, ಕಲಬುರಗಿ-107, ಕೊಡಗು-333, ಕೋಲಾರ-684, ಕೊಪ್ಪಳ-350, ಮಂಡ್ಯ-453, ಮೈಸೂರು-1720, ರಾಯಚೂರು-340, ರಾಮನಗರ-181, ಶಿವಮೊಗ್ಗ-672, ತುಮಕೂರು-1102, ಉಡುಪಿ-684, ಉತ್ತರ ಕನ್ನಡ-536, ವಿಜಯಪುರ-210, ಯಾದಗಿರಿ-83.