ಕೋವಿಡ್: ರಾಜ್ಯದಲ್ಲಿಂದು 5933 ಸೋಂಕಿತರು ಗುಣಮುಖ;  2576 ಹೊಸ ಪ್ರಕರಣ ದೃಢ

Team Udayavani, Jun 28, 2021, 7:16 PM IST

ಬೆಂಗಳೂರು : ರಾಜ್ಯದಲ್ಲಿಂದು ( ಜೂನ್ 28) 2576 ಕೋವಿಡ್ ಪಾಸಿಟಿವ್ ಪ್ರಕರಣಗಳು ವರದಿಯಾಗಿವೆ. ಹಾಗೂ 93 ಜನರು ಮಹಾಮಾರಿ ಸೋಂಕಿಗೆ ಬಲಿಯಾಗಿದ್ದಾರೆ ಎಂದು ಕರ್ನಾಟಕ ಆರೋಗ್ಯ ಹಾಗೂ ಕುಟುಂಬ ಕಲ್ಯಾಣ ಇಲಾಖೆ ಬಿಡುಗಡೆ ಮಾಡಿರುವ ವರದಿಗಳು ತಿಳಿಸಿವೆ.

ಎಂದಿನಂತೆ ಇಂದು ಕೂಡ ಗುಣಮುಖರಾದವರ ಸಂಖ್ಯೆ ಹೆಚ್ಚಿದ್ದು, ಕಳೆದ 24 ಗಂಟೆಗಳ ಕಾಲಾವಧಿಯಲ್ಲಿ ( ದಿನಾಂಕ :27.06.2021,00:00 ರಿಂದ 23:59 ರವರೆಗೆ) 5933 ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಈ ಮೂಲಕ ರಾಜ್ಯದಲ್ಲಿ ಇದುವರೆಗೆ 2704755 ಸೋಂಕಿತರು ಗುಣಮುಖರಾಗಿದ್ದಾರೆ.

ಜಿಲ್ಲಾವಾರು ಪ್ರಕರಣಗಳ ಸಂಖ್ಯೆ :

ಬಾಗಲಕೋಟೆ-8, ಬಳ್ಳಾರಿ-19, ಬೆಳಗಾವಿ-68, ಬೆಂಗಳೂರು ಗ್ರಾಮಾಂತರ-55, ಬೆಂಗಳೂರು ನಗರ-563, ಬೀದರ್ -3, ಚಾಮರಾಜನಗರ-55, ಚಿಕ್ಕಬಳ್ಳಾಪುರ-27, ಚಿಕ್ಕಮಗಳೂರು-83, ಚಿತ್ರದುರ್ಗ-45, ದಕ್ಷಿಣ ಕನ್ನಡ-263, ದಾವಣಗೆರೆ-81, ಧಾರವಾಡ-28, ಗದಗ-17, ಹಾಸನ-138, ಹಾವೇರಿ-13, ಕಲಬುರಗಿ-4, ಕೊಡಗು-150,  ಕೋಲಾರ-79, ಕೊಪ್ಪಳ-55, ಮಂಡ್ಯ-95, ಮೈಸೂರು-282,  ರಾಯಚೂರು-9, ರಾಮನಗರ-14, ಶಿವಮೊಗ್ಗ-194, ತುಮಕೂರು-99, ಉಡುಪಿ-71, ಉತ್ತರ ಕನ್ನಡ-52, ವಿಜಯಪುರ-2, ಯಾದಗಿರಿ-4.