ರಾಜ್ಯದಲ್ಲಿಂದು 300 ಕೋವಿಡ್‌ ಪಾಸಿಟಿವ್‌ ಪತ್ತೆ: ಓರ್ವ ವ್ಯಕ್ತಿ ಸಾವು

Team Udayavani, Dec 19, 2021, 9:45 PM IST

ಬೆಂಗಳೂರು: ರಾಜ್ಯದಲ್ಲಿ ರವಿವಾರ 300ಮಂದಿಯಲ್ಲಿ ಕೋವಿಡ್‌ ಸೋಂಕು ದೃಢಪಟ್ಟಿದೆ.

ಬೆಂಗಳೂರು ನಗರ, ದ.ಕ., ಮೈಸೂರು, ತುಮಕೂರು, ಬಳ್ಳಾರಿ ಜಿಲ್ಲೆಯಲ್ಲಿ ಕೋವಿಡ್‌ ಸಕ್ರೀಯ ಪ್ರಕರಣ ಹೆಚ್ಚಳಗೊಂಡಿದೆ.

ರಾಜ್ಯದ ಒಟ್ಟು ಸಕ್ರೀಯ ಪ್ರಕರಣಗಳ ಶೇ.70ರಷ್ಟು ಬೆಂಗಳೂರಿನಲ್ಲಿದ್ದು, ಪ್ರಸ್ತುತ 5,660 ಸಕ್ರಿಯ ಪ್ರಕರಣಗಳಿವೆ.

ಕೊಡಗಿನಲ್ಲಿ 232, ದ.ಕ. 148, ಮೈಸೂರು 147, ತುಮಕೂರು 122, ಬಳ್ಳಾರಿ 105, ಶಿವಮೊಗ್ಗ 98, ಬೆಳಗಾವಿ 90, ಹಾಸನ 89, ಚಿಕ್ಕಮಗಳೂರು 88, ಉತ್ತರ ಕನ್ನಡದಲ್ಲಿ 61,ಮಂಡ್ಯ 36, ಚಿತ್ರದುರ್ಗಾ 34, ಉಡುಪಿ 34, ಬೆಂಗಳೂರು ಗ್ರಾಮಾಂತರ 31, ಧಾರವಾಡ 29, ಕೋಲಾರ 23, ಚಾಮರಾಜನಗರ 15, ದಾವಣಗೆರೆ 12, ಬಾಗಲಕೋಟೆ 5, ಕೊಪ್ಪಳ ಮತ್ತು ರಾಯಚೂರು ತಲಾ 10, ಕಲಬುರಗಿ 9, ರಾಮನಗರ 7, ಚಿಕ್ಕಬಳ್ಳಪರ ಹಾಗೂ ವಿಜಯಪುರ ತಲಾ 4, ಗದಗ ಮತ್ತು ಹಾವೇರಿ ತಲಾ 1 ಕೋವಿಡ್‌ ಸಕ್ರಿಯ ಪ್ರಕರಣಗಳಿವೆ. ಉಳಿದಂತೆ ಬಳ್ಳಾರಿ ಹಾಗೂ ಯಾದಗಿರಿಯಲ್ಲಿ ಶೂನ್ಯ ಸಕ್ರೀಯ ಪ್ರಕರಣಗಳಿವೆ.

ಬೆಂಗಳೂರಿನಲ್ಲಿ ಅತ್ಯಧಿಕ ಪ್ರಕರಣ
ಡಿ.19ರಂದು ಬೆಂಗಳೂರು ನಗರ 168, ದ.ಕ. 37, ಮೈಸೂರು 13, ಹಾಸನ 11, ಕೊಡುಗು 10 ಪತ್ತೆಯಾಗಿದೆ. ಉಳಿದಂತೆ ಉತ್ತರ ಕನ್ನಡ, ಉಡುಪಿ, ತುಮಕೂರು, ಶಿವಮೊಗ್ಗ, ರಾಯಚೂರು, ಮಂಡ್ಯ, ಕೋಲಾರ, ಧಾರವಾಡ, ಚಿತ್ರದಯರ್ಗಾ, ಚಿಕ್ಕಮಗಳೂರು, ಚಾಮರಾಜನಗರ, ಬೆಂಗಳೂರು ಗ್ರಾಮಾಂತರ, ಬೆಳಗಾವಿ, ಬಳ್ಳಾರಿ ಜಿಲ್ಲೆಯಲ್ಲಿ ಬೆರಳೆಣಿಕೆ ಪ್ರಕರಣ ದಾಖಲಾಗಿದೆ.

ಬಾಗಲಕೋಟೆ, ಬೀದರ್‌, ಚಿಕ್ಕಬಳ್ಳಾಪುರ, ದಾವಣಗೆರೆ , ಗದಗ, ಹಾವೇರಿ,ಕಲಬುರಗಿ, ಕೊಪ್ಪಳ, ರಾಮನಗರ, ವಿಜಯಪುರ, ಯಾದಗಿರಿ ಜಿಲ್ಲೆಯಲ್ಲಿ ಶೂನ್ಯ ಪ್ರಕರಣ ದಾಖಲಾಗಿದೆ. ಉಡುಪಿ ಜಿಲ್ಲೆಯಲ್ಲಿ ಓರ್ವ ವ್ಯಕ್ತಿ ಕೊರೊನಾ ಸೋಂಕಿನಿಂದ ಮೃತಪಟ್ಟಿದ್ದಾರೆ.

ಇದನ್ನೂ ಓದಿ:ಪ್ರಾಥಮಿಕ ಶಾಲೆಗಳಲ್ಲಿ “ಸಂತೋಷ ಪಠ್ಯಕ್ರಮ”; ಉತ್ತರ ಪ್ರದೇಶ ಸರ್ಕಾರದ ವಿಶೇಷ ಕ್ರಮ

ವಿದೇಶದಿಂದ 1,599 ಆಗಮನ
ಡಿ.19ರಂದು ರಾಜ್ಯದಲ್ಲಿ ಕೊರೊನಾ ಪಾಸಿಟಿವಿಟಿ ಪ್ರಮಾಣ ಶೇ.0.26 ಹಾಗೂ ಸೋಂಕಿನಿಂದ ಮೃತಪಡುವರ ಪ್ರಮಾಣ ಶೇ.33ರಷ್ಟಿದೆ. ಡಿ.17, 18ರಂದು 1,599 ಮಂದಿ ಅಂತಾರಾಷ್ಟ್ರೀಯ ಪ್ರಯಾಣಿಕರು ರಾಜ್ಯದ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ಪ್ರವೇಶಿಸಿದ್ದಾರೆ. ರಾಜ್ಯಾದ್ಯಂತ ಒಟ್ಟು 7140 ಸಕ್ರಿಯ ಪ್ರಕರಣಗಳಿವೆ. 279ಮಂದಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.