ರಾಜ್ಯದ ವಿವಿಧೆಡೆ ಮಳೆಗೆ ಮತ್ತೆ 7 ಬಲಿ

Team Udayavani, Oct 17, 2017, 9:10 AM IST

ಬೆಂಗಳೂರು: ರಾಜ್ಯಾದ್ಯಂತ ಸಂಭವಿಸಿದ ಮಳೆ ಸಂಬಂಧಿ ದುರ್ಘ‌ಟನೆಗಳಲ್ಲಿ ಸೋಮವಾರ 7 ಮಂದಿ ಮೃತಪಟ್ಟಿದ್ದಾರೆ. ಗದಗ ಜಿಲ್ಲೆ ಗಜೇಂದ್ರಗಡದಲ್ಲಿ ಮಳೆ ರಭಸಕ್ಕೆ ಸೋಮವಾರ ಬೆಳಗ್ಗೆ ಮನೆಯ ಮೇಲ್ಛಾವಣಿ ಕುಸಿದು ಮನೆಯಲ್ಲಿ ಮಲಗಿದ್ದ ಒಂದೇ ಕುಟುಂಬದ ಮೂವರು ಮೃತಪಟ್ಟಿದ್ದಾರೆ.

ಮೆಹಬೂಬ್ಬಿ ಅಬ್ದುಲ್‌ಸಾಬ ಮುಚ್ಚಾಲಿ (55), ಇವರ ಮೊಮ್ಮಕ್ಕಳಾದ ನಾಜಮೀನ್‌ ದಾವಲ  ಸಾಬ ಮುಚ್ಚಾಲಿ (8) ಹಾಗೂ ಮುಸ್ಕಾನ್‌ ಅಬ್ದುಲ್‌ಸಾಬ ಮುಚ್ಚಾಲಿ (6) ಮೃತ ದುರ್ದೈವಿ  ಗಳು. ಘಟನೆಯಲ್ಲಿ ದಾವಲಬಿ ಅಹ್ಮದಸಾಬ ಮಕಾನದಾರ (58) ಗಾಯಗೊಂಡಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ. ಬೀದರ್‌ ಜಿಲ್ಲೆ ಬಸವಕಲ್ಯಾಣ ತಾಲೂಕಿನ ಲಾಡವಂತಿ ಗ್ರಾಮದ ಜಮೀನಿನಲ್ಲಿ ಕೃಷಿ ಹೊಂಡಕ್ಕೆ ಬಿದ್ದು ಭಕನಾಳ ಗ್ರಾಮದ ಸತ್ಯವತಿ ಕೇಶವ ಬೈನಾಕೆ (35), ಇವರ ಪತಿ ಕೇಶವ ಬಾಬುರಾವ್‌ ಬೈನಾಕೆ ಹಾಗೂ ಕೇಶವನ ಸಹೋದರಿ ಲಾಡವಂತಿ ಗ್ರಾಮದ ಲಕ್ಷ್ಮೀ ಇಂದ್ರಜೀತ್‌ ವಾಡೇಕರ್‌(52) ಎಂಬುವರು ಮೃತಪಟ್ಟಿದ್ದಾರೆ. ಭಾರಿ ಮಳೆಯಿಂದ ಹಳ್ಳ-  ಕೊಳ್ಳ, ಕೃಷಿ ಹೊಂಡಗಳು ಜಲಾವೃತಗೊಂಡಿದ್ದು, ದಾರಿ ಪಕ್ಕದಲ್ಲೇ ಕೃಷಿ ಹೊಂಡ ಇದ್ದುದರಿಂದ ದಾರಿ ಕಾಣದೇ ಬಿದ್ದು ಈ ದುರ್ಘ‌ಟನೆ ಸಂಭವಿಸಿದೆ.

ರಾಮನಗರದಲ್ಲಿ ಅರ್ಕಾವತಿ ನದಿಯ ರಭಸಕ್ಕೆ ಹುಲಿಕೆರೆ ಗ್ರಾಮದ ಮಾದೇಗೌಡ (90) ಎಂಬುವರು ಕೊಚ್ಚಿಹೋಗಿದ್ದಾರೆ. ಸೋಮವಾರ ಬೆಳಗ್ಗೆ ಬಹಿìರ್ದೆಸೆಗೆ ಹೋಗಿದ್ದಾಗ ದುರ್ಘ‌ಟನೆ ಸಂಭವಿಸಿದೆ.